ஐக்கிய அரபு எமிரேட்ஸில் பொது மன்னிப்பு நீட்டிப்பு

ஐக்கிய அரபு எமிரேட்ஸில் பொது மன்னிப்பு நீட்டிக்கப்பட்டுள்ளது. இந்த சலுகை டிசம்பர் 31 வரை இரண்டு மாதங்களுக்கு நீட்டிக்கப்பட்டுள்ளது.

அடையாளம், குடியுரிமை, சுங்கம் மற்றும் துறைமுக பாதுகாப்புக்கான பெடரல் ஆணையம் (ஐசிபி) செப்டம்பர் 1 ஆம் திகதி தொடங்கிய பொது மன்னிப்பு அக்டோபர் 31 ஆம் திகதியுடன் முடிவடைகிறது என்று தெரிவித்துள்ளது.

பொதுமன்னிப்பு காலம் நீடிக்கப்படாது என அதிகாரிகள் முன்னரே அறிவித்திருந்தனர்.

எவ்வாறாயினும், கடந்த சில நாட்களாக பொதுமன்னிப்பு மையங்களில் ஏற்பட்ட நெரிசலைக் கருத்தில் கொண்டு பொதுமன்னிப்புப் பலனை மேலும் இரண்டு மாதங்களுக்கு நீடிக்க அரசாங்கம் தீர்மானித்துள்ளது.

இதன் மூலம், விசா காலாவதியான பிறகு ஐக்கிய அரபு எமிரேட்ஸில் சட்டவிரோதமாக தங்கியிருக்கும் வெளிநாட்டவர்கள் அபராதம் இல்லாமல் நாடு திரும்ப அதிக நேரம் கிடைக்கும்.

இந்த சலுகைக் காலம், ஆவணங்களைச் சரிசெய்து, ஐக்கிய அரபு எமிரேட்ஸில் சட்டப்பூர்வமாக்கவும் பயன்படுத்தப்படலாம்.

தற்போது வெளியேறும் அனுமதி பெற்றவர்கள் 14 நாட்களுக்குள் நாட்டை விட்டு வெளியேற வேண்டும். அறிவுறுத்தல்கள் வழங்கப்பட்டுள்ளன.

பல்வேறு நாடுகளைச் சேர்ந்த பல்லாயிரக்கணக்கான வெளிநாட்டவர்கள் ஏற்கனவே பொது மன்னிப்பைப் பயன்படுத்திக் கொண்டனர்.

துபாய் இந்திய துணைத் தூதரகத்தின் புள்ளிவிவரங்களின்படி, பத்தாயிரம் இந்திய குடிமக்கள் பொதுமன்னிப்பு கோரியுள்ளனர்.

இதில் 1300 பேருக்கு கடவுச்சீட்டும், 1700 பேருக்கு அவசர காலச் சான்றிதழ்களும் வழங்கப்பட்டன.

தூதரகம் மூலம் மட்டும் 1,500 பேருக்கு வெளியேறும் அனுமதி வழங்கப்பட்டுள்ளது