சட்டவிரோத குடியேறிகளை வெளியேற்றும் அமெரிக்கா : விமானங்களில் ஏற்றப்படும் குடியேறிகள்!

இராணுவ விமானத்தில் ஏறும் மக்களின் புகைப்படங்களைப் பகிர்ந்ததன் மூலம், அமெரிக்காவிலிருந்து சட்டவிரோத குடியேறிகளை நாடு கடத்தும் நடவடிக்கை தொடங்கியுள்ளதை வெள்ளை மாளிகை உறுதிப்படுத்தியுள்ளது.

வெள்ளை மாளிகையின் பத்திரிகை செயலாளர் கரோலின் லீவிட், X இல் ஒரு பதிவில், ஜனாதிபதி டொனால்ட் டிரம்ப் முழு உலகிற்கும் ஒரு வலுவான மற்றும் தெளிவான செய்தியை அனுப்புகிறார் என்று கூறினார்.

நீங்கள் அமெரிக்காவிற்குள் சட்டவிரோதமாக நுழைந்தால், நீங்கள் கடுமையான விளைவுகளை சந்திக்க நேரிடும்” எனத் தெரிவித்துள்ளார்.

அமெரிக்காவின் 47 ஆவது ஜனாதிபதியாக டொனால்ட் ட்ரம்ப் பொறுப்பேற்ற பிறகு சட்டவிரோத குடியேறிகளை நாடு கடத்தும் நடவடிக்கைகளை முன்னெடுத்துள்ளார்.

இதன்படி அமெரிக்காவில் நூற்றுக்கணக்கான குடியேறிகள் வியாழக்கிழமை கைது செய்யப்பட்டனர், மற்றவர்கள் இராணுவ விமானங்களில் நாட்டிலிருந்து வெளியேற்றப்பட்டனர்.

538 சட்டவிரோத குடியேறி குற்றவாளிகளையும், சிறார்களுக்கு எதிரான பாலியல் குற்றங்களுக்காக தண்டிக்கப்பட்ட பல சட்டவிரோதக் குற்றவாளிகளையும் கைது செய்துள்ளதாக வெள்ளை மாளிகை தெரிவித்துள்ளது.

தற்போது அவர்களை நாடு கடத்தும் படங்களையும் வெளியிட்டுள்ளது.