இது பாலஸ்தீனியர்களுக்கு எதிரான தணிக்கை”: நீக்கப்பட்ட எழுத்தாளர் ரண்டா கடும் சாடல்

அவுஸ்திரேலியாவின் புகழ்மிக்க அடிலெய்ட் (Adelaide) எழுத்தாளர் விழாவிலிருந்து, பாலஸ்தீனிய-ஆஸ்திரேலிய எழுத்தாளர் ரண்டா அப்தெல்-பத்தா (Randa Abdel-Fattah) நீக்கப்பட்டுள்ளமை சர்வதேச அளவில் பெரும் விவாதத்தை ஏற்படுத்தியுள்ளது.

‘கலாச்சார உணர்திறன்’ அடிப்படையில் இந்த முடிவு எடுக்கப்பட்டதாக விழா வாரியம் கூறினாலும், இது பாலஸ்தீனியர்களுக்கு எதிரான இனவெறி மற்றும் தணிக்கை என ரண்டா குற்றம் சாட்டியுள்ளார்.

இந்த முடிவுக்கு எதிர்ப்புத் தெரிவித்து, இதுவரை 70-க்கும் மேற்பட்ட சர்வதேச எழுத்தாளர்கள் விழாவிலிருந்து வெளியேறியுள்ளனர்.

இதேவேளை, 2024-ஆம் ஆண்டு யூத எழுத்தாளர் ஒருவர் நீக்கப்பட்டதாகத் தெற்கு ஆஸ்திரேலிய முதலமைச்சர் கூறிய கருத்தை விழா வாரியத்தின் பழைய கடிதங்கள் மறுத்துள்ளன.

கருத்துச் சுதந்திரத்திற்கு மதிப்பளிக்க வேண்டிய விழா நிர்வாகம், ஒருதலைப்பட்சமாகச் செயல்படுவதாகக் கூறி இந்த ஆண்டு விழா பெரும் அச்சுறுத்தலை எதிர்கொண்டுள்ளது.