உலக புகழ்பெற்ற பொப் பாடகரை இலங்கைக்கு அழைத்துவர நடவடிக்கை

உலகப் புகழ்பெற்ற பொப் பாடகர் எட் ஷீரனின் இசைக் கச்சேரியை அடுத்த வருடத்தின் முதல் பாதியில் இலங்கையில் நடத்துவதற்கு இரண்டு தனியார் நிறுவனங்கள் முன்மொழிந்துள்ளதாக சுற்றுலாத்துறை அமைச்சர் ஹரின் பெர்னாண்டோ தெரிவித்துள்ளார்.

2025 ஜனவரியில் கொழும்பில் நடத்த திட்டமிடப்பட்டுள்ள இந்த இசை நிகழ்ச்சியை Cinnamon Life மற்றும் Bookmyshow இணைந்து நடத்த முன்வந்துள்ளதாக அவர் குறிப்பிட்டுள்ளார்.

எவ்வாறாயினும், இந்த இசை நிகழ்ச்சியை நடத்துவதற்கான தீர்மானம் இன்னும் கலந்துரையாடலில் உள்ளதாகத் தெரிவிக்கப்படுகிறது.

பல வருடங்களின் பின்னர் இலங்கைக்கு வரும் முதலாவது சர்வதேச பாடகர் எட் ஷீரன் என ஹரின் பெர்னாண்டோ மேலும் குறிப்பிட்டுள்ளார்.

அத்துடன், சுற்றுலா மற்றும் பொழுதுபோக்கு துறையை அபிவிருத்தி செய்யும் அரசாங்கத்தின் வேலைத்திட்டத்தின் கீழ் இவ்வாறான வேலைத்திட்டங்கள் நடைமுறைப்படுத்தப்பட்டு வருவதாக அமைச்சர் ஹரின் பெர்னாண்டோ மேலும் தெரிவித்துள்ளார்.

தொடர்புடைய செய்திகள்:

யாழில் பெண் போல பேசி கொள்ளையில் ஈடுபட்ட இருவர் கைது ஆவா குழுவின் முக்கிய தலைவர் கொழும்பில் கைது தமிழர் பகுதியில் பாடசாலை மாணவர்களை ஏற்றாமல் பயணித்த அரச பேருந்து சாமரி அத்தபத்துவுக்கு ஜனாதிபதி ரணில் வாழ்த்து