இலங்கையில் பொலிஸாரிடம் சரணடைந்து தண்டனை கோரும் இளம் பிக்கு!

யக்கல பிரதேசத்தில் இளம் பிக்கு ஒருவர் பொலிஸாரிடம் தன்னை கைது செய்து தண்டனை வழங்கமாறு கூறி பொலிஸ் நிலையத்தில் சரணடைந்துள்ளார்.

இவர் தான் செய்த திருட்டுக் குற்றச் செயல்களுக்கு தண்டனை கிடைக்க வேண்டும் என்று கூறி நேற்று தனது தாயுடன் பொலிஸ் நிலையம் சென்றுள்ளதாக பொலிஸார் தெரிவித்தனர்.

இதன் போது பொலிஸாரினால் இளம் பிக்கு கைது செய்யப்பட்டு மேலதிக விசாரணைகள் மேற்கொள்ளப்பட்டுள்ளன.

சுமார் எட்டு வருடங்களுக்கு முன்பு தான் செய்த திருட்டுக் குற்றச் செயல்களுக்காக தனக்கு தண்டனை கிடைக்க வேண்டும் என அவர் கூறியுள்ளார்.

தனக்கு தண்டனை கிடைக்கும் வரையில் தான் தியான நிலையில் ஈடுபடுவதற்கு மனநிம்மதி இல்லை என அவர் தெரிவித்துள்ளதாக பொலிஸார் தெரிவித்தனர்.

அத்தோடு, தனக்கு தண்டனை கிடைத்து மன அமைதி பெற வேண்டும் என்பதற்காகவே இவர் சரணடைந்துள்ளதாகவும் பொலிஸார் தெரிவித்துள்ளனர்.