முல்லைத்தீவில் அரசபேருந்தில் மோதி விபத்துக்குள்ளான இளைஞன்

முல்லைத்தீவு சிலாவத்தை பகுதியில் இன்று இடம்பெற்ற விபத்தில் இளைஞன் ஒருவர் படுகாயமடைந்த நிலையில் முல்லைத்தீவு மாவட்ட வைத்தியசாலையில் அனுமதிக்கப்பட்டுள்ளார்.

யாழ்ப்பாணத்திலிருந்து முல்லைத்தீவு நோக்கி சென்று கொண்டிருந்த இ.போ.ச பேருந்து சிலாவத்தை சந்திக்கு அண்மித்த போது பிரதான வீதிக்கு செல்ல முற்பட்ட மோட்டார் சைக்கிள் இ.போ.ச பேருந்துடன் மோதியே குறித்த விபத்து
இடம்பெற்றுள்ளது.

விபத்தில் மோட்டார் சைக்கிளில் பயணித்த கள்ளப்பாடு பகுதியை சேர்ந்த 26 வயதுடைய இளைஞன் காயமடைந்த நிலையில் முல்லைத்தீவு மாவட்ட வைத்தியசாலையில் அதிதீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகின்றார்.

மதுபோதையில் மோட்டார் சைக்கிள் செலுத்தியதாலேயே குறித்த விபத்து இடம்பெற்றுள்ளதாக ஆரம்பகட்ட விசாரணைகளில் தெரியவந்துள்ளதாக பொலிஸார் தெரிவித்தன்.

இ.போ.ச பேருந்து மற்றும் மோட்டார் சைக்கிள் முல்லைத்தீவு பொலிஸ் நிலையத்திற்கு எடுத்து செல்லப்பட்டுள்ளதுடன் மேலதிக விசாரணைகளை
முல்லைத்தீவு பொலிசார் முன்னெடுத்து வருகின்றனர்.

தொடர்புடைய செய்திகள்:

இலங்கையில் கொல்லப்பட்ட ஹென்றி பெட்ரிஸ்!! 108 ஆண்டுகளுக்கு பின் நீதி தேடும் ஜனாதிபதி திருகோணமலையில் யானை தாக்கி வயோதிபர் உயிரிழப்பு இலங்கையில் சிறுவர்களுக்கு ஏற்பட்டுள்ள பரிதாப நிலை! மகனுக்கு ஆதரவளிக்குமாறு மகிந்த கோரிக்கை 2024 ஜனாதிபதி தேர்தல் – யாழ் மாவட்டத்தின் நல்லூர் வாக்களிப்புப் பிரிவு முடிவு முதல் இராஜதந்திர சந்திப்பு