சொகுசு ஹோட்டலில் 13 நாட்கள் தங்கி விட்டு வாடகை தராமல் தப்பியோட முயன்ற பெண்ணொருவர் கைது!

டெல்லியில் சொகுசு ஹோட்டலில் 13 நாள் தங்கிவிட்டு பணம் தராமல் தப்பி ஓட முயன்ற ஆந்திர பெண்ணை பொலிஸார் கைது செய்தனர்.

ஆந்திர பிரதேசத்தை சேர்ந்தவர் ஜான்சிராணி சாமுவேல் (37). இவர், டெல்லி விமான நிலையம் அருகே ஏரோசிட்டியில் உள்ள ஒரு சொகுசு ஹோட்டலில் 15 நாட்களாக தங்கியிருந்துள்ளார். ஆனால், அதற்கான வாடகையை செலுத்தாததால், இதுகுறித்து ஹோட்டல் ஊழியர்கள் கேட்டுள்ளனர். அப்போது, ஜான்சிராணி அவர்களைக் தள்ளிவிட்டு தப்பி ஓட முயன்றார்.

இருப்பினும், அவரை ஹோட்டல் ஊழியர்கள் மடக்கிப் பிடித்து, டெல்லி இந்திராகாந்தி சர்வதேச விமான நிலைய போலீசாரிடம் ஒப்படைத்தனர்.

மேலும், இதுதொடர்பாக ஹோட்டல் நிர்வாகத்தினர் புகாரும் அளிக்கப்பட்டது. இதையடுத்து பொலிஸார், ஜான்சிராணி மீது ஐபிசி பிரிவு 420 (மோசடி)-ன் கீழ் வழக்குப்பதிவு செய்தனர். பின்னர் அவரை கைது செய்து விசாரணை நடத்தி வருகின்றனர்.