கிழக்கு லண்டனில் நாய் ஒன்று தாக்கியதில் பெண் ஒருவர் பலி!

கிழக்கு லண்டனில் உள்ள ஒரு வீட்டில் நாய் தாக்கியதில் பெண் ஒருவர் உயிரிழந்துள்ளார்.

ஹார்ன்சர்ச்சில் நேற்று (20.05) பிற்பகல் இந்த சம்பவம் இடம்பெற்றுள்ளதாக அறியப்படுகிறது.

இதில் 50 வயதுடைய பெண் ஒருவர் உயிரிழந்துள்ளதாக பெருநகர காவல்துறையினர் தெரிவித்துள்ளனர்.

“லண்டன் ஆம்புலன்ஸ் சேவையின் மருத்துவர்களால் அந்தப் பெண்ணுக்கு சிகிச்சை அளிக்கப்பட்டது. இருப்பினும் அவர் துரதிஷ்டவசமாக உயிரிழந்துள்ளதாக அறிவிக்கப்பட்டுள்ளது.

நிலைமையை மதிப்பீடு செய்த பின்னர், இரு நாய்களையும் கைப்பற்றியுள்ளனர்.

இவை பதிவுசெய்யப்பட்ட XL புல்லி நாய்கள் மற்றும் அதிகாரிகள் வருவதற்கு முன்பு வீட்டில் ஒரு அறைக்குள் அடைத்து வைக்கப்பட்டிருந்ததாக கூறப்பட்டுள்ளது.

சம்பவம் குறித்த மேலதிக விசாரணைகளை பொலிஸார் முன்னெடுத்து வருகின்றனர்.