குழந்தையைப் பெற்று கொள்கலனில் அடைத்த மாணவி ; கொலைக் குற்றம் சுமத்தியுள்ள UK நீதிமன்றம் !

பெற்றெடுத்த குழந்தையைக் கொன்றதாக மலேசிய மாணவி மீது பிரிட்டனின் வார்விக் கிரவுன் நீதிமன்றத்தில் குற்றம் சுமத்தப்பட்டு உள்ளது.

டியோ ஜியா ஸின், 22, எனப்படும் அந்த மாணவி தம் மீது சுமத்தப்பட்ட கொலைக் குற்றத்தை ஒப்புக்கொண்டார்.

கடந்த மார்ச் 4ஆம் திகதி டியோ குழந்தை பெற்றதாக அரசுத் தரப்பு வழக்கறிஞர் நீதிமன்றத்தில் கூறினார்அதன் பின்னர், அந்தப் பச்சிளம் குழந்தையை உணவு தானிய கொள்கலனில் ஒன்றினுள் வைத்து மூடி, அந்த டப்பாவை பிளாஸ்டிக் பைக்குள் வைத்து, அந்தப் பையை கைப்பெட்டி ஒன்றுக்குள் டியோ மறைத்து வைத்ததாக பிபிசி செய்தி தெரிவித்தது.

கொள்கலனில் அடைத்து வைத்தால் குழந்தை இறந்துவிடும் என்று தெரிந்தே டியோ அவ்வாறு செய்ததாக வழக்கறிஞர் தெரிவித்தார்.

இருப்பினும், அவர் குழந்தை பெற்ற அறிகுறியைக் கண்டவர்கள் வெஸ்ட் மிட்லண்ட்ஸ் காவல்துறையிடம் கூறினர்.

பிரசவம் ஆன பின்னர் ஏற்பட்ட உடல்நலக் கோளாறுகளுக்காக அந்த மாணவி மருத்துவமனை ஒன்றுக்குச் சென்றுள்ளார். ஆனால், குழந்தை பெற்ற விவரத்தை அங்கு அவர் தெரிவிக்காமல் மறைத்தார்.

உதவி பெறுவதற்கான வாய்ப்புகள் இருந்தும் தாம் குழந்தை பெற்றதை அந்தப் பெண் மறைத்துவிட்டதாக நீதிமன்றத்தில் தெரிவிக்கப்பட்டது.

தொடர்புடைய செய்திகள்:

போருக்கு எதிரான கவிதைகளை வாசித்த ரஷ்ய கவிஞர்களுக்கு சிறைத்தண்டனை செங்கடலில் நிலவும் பனிப்போர் : பிரித்தானியாவின் கப்பலை அனுப்புவதில் சிக்கல்! ஒரே இரவில் 47 உக்ரைன் ட்ரோன்களை அழித்த ரஷ்யா கிரீன்லாந்தில் டென்மார்க் ராணி மீது மோதிய ஸ்கூட்டர் சீன மின்சார கார்கள் தொடர்பில் அதிரடி தீர்மானம் எடுத்த ஐரோப்பிய ஒன்றியம் சுவிட்சர்லாந்து சீனாவுடனான தடையற்ற வர்த்தக உடன்படிக்கையை புதுப்பிக்க பேச்சுவார்த்தை