ஐரோப்பிய நாடொன்றுக்கு தப்பில் செல்ல முற்பட்ட இலங்கை தம்பதியினர் கைது!
போலி ஆவணங்களைப் பயன்படுத்தி இத்தாலிக்கு தப்பிச் செல்ல முயன்ற இலங்கையைச் சேர்ந்த இளம் தம்பதிகள் நேற்று (01.08) மாலை கைது செய்யப்பட்டுள்ளனர்.
குறித்த தம்பதியினர்கட்டுநாயக்க விமான நிலையத்தின் புறப்படும் முனையத்தில் வைத்து இலங்கை குடிவரவு மற்றும் குடியகல்வு எல்லை அமலாக்கப் பிரிவின் அதிகாரிகளால் கைது செய்யப்பட்டுள்ளனர்.
குறித்த இளைஞனுக்கு 27 வயதும், யுவதிக்கு 28 வயதும் இருக்கும் மதிப்பிடப்பட்டுள்ளது.
இவர்கள் மீதான சந்தேகத்தின் அடிப்படையில் குடிவரவு குடியகல்வு எல்லைக் கட்டுப்பாட்டுப் பிரிவினருக்கு அழைப்பு செய்து, அவர்கள் கொண்டு வந்த பயணப்பொதிகளை ஆய்வு செய்ததில், பொய்யான தகவல்களுடன் தயாரிக்கப்பட்ட இரண்டு விமான டிக்கெட்டுகள் மற்றும் போலி விசா இருப்பது கண்டறியப்பட்டுள்ளது.
யுவதியின் வீசா தொடர்பில் வினவிய போது இலங்கை பெண் குடிவரவு அதிகாரி ஒருவர் மௌனமாக இருந்தமையினால் இந்த இடத்திற்கு வரவழைக்கப்பட்டு யுவதியை சோதனையிட்டதில் அவர் மறைத்து வைத்திருந்த போலி இத்தாலிய வீசா கண்டுபிடிக்கப்பட்டுள்ளது.
இவ்வாறு கண்டுபிடிக்கப்பட்ட இரண்டு போலி கடவுச்சீட்டுகளின் உண்மையான உரிமையாளர்களான தம்பதிகள் ஏற்கனவே தமது உண்மையான கடவுச்சீட்டு மற்றும் வீசாக்களை பயன்படுத்தி இந்த விமானத்தில் அமர்ந்திருந்ததாக தெரிவிக்கப்படுகிறது.
கைது செய்யப்பட்ட தம்பதியினர் மேலதிக விசாரணைகளுக்காக கட்டுநாயக்க விமான நிலைய குற்றப் புலனாய்வு திணைக்கள அதிகாரிகளிடம் ஒப்படைக்கப்பட்டுள்ளனர்.
அண்மைக்காலமாக வட பிராந்தியத்தில் 20 முதல் 30 வயதுக்குட்பட்ட இளைஞர்கள் போலியான தகவல்களைப் பயன்படுத்தி போலியான ஆவணங்களைப் பயன்படுத்தி ஐரோப்பாவிற்கு தப்பிச் செல்லும் போக்கு அதிகரித்து வருவதாக கட்டுநாயக்க விமான நிலைய குடிவரவு அதிகாரி ஒருவர் தெரிவித்தார்.
(Visited 9 times, 1 visits today)
