மாதவிடாய் ஏற்படாததால் மருத்துவமனை சென்ற சீன பெண்ணிற்கு காத்திருந்த அதிர்ச்சி

சீனாவில் 27 வயது பெண் ஒருவர், தனது திருமணத்திற்கு சில நாட்களுக்கு முன்னதாக, உயிரியல் ரீதியாக தான் ஒரு ஆண் என்பதை கண்டுபிடித்ததால் திகைத்துப் போனார்.

லி யுவான், தனது அடையாளத்தைப் பாதுகாப்பதற்காக பெயர் மாற்றியுள்ளார்,

மாதவிடாய் ஏற்படாதது குறித்த கவலைகள் இருந்ததால், முழுமையான மருத்துவப் பரிசோதனைக்காக மருத்துவரிடம் சென்றுள்ளார்.

அவர் 18 வயதில் அசாதாரண ஹார்மோன் அளவுகள் மற்றும் சாத்தியமான கருப்பை செயலிழப்பு ஆகியவற்றால் முதன்முதலில் கண்டறியப்பட்டார்.

அந்த நேரத்தில் மருத்துவர்கள் தொடர்ந்து குரோமோசோம் பரிசோதனையை பரிந்துரைத்த போதிலும், லி மற்றும் அவரது குடும்பத்தினர் அந்த ஆலோசனையை புறக்கணித்தனர். ஆனால், இம்முறை மருத்துவப் பரிசோதனை செய்ததில் ஒரு அதிர்ச்சியான உண்மை தெரியவந்தது.

மருத்துவர்கள் அவரது வயிற்றில் ஒரு விரை இருப்பதைக் கண்டறிந்து, அவருக்கு கான்ஜெனிட்டல் அட்ரீனல் ஹைப்பர் பிளாசியா (CAH) என்ற அரிய கோளாறு இருப்பதைக் கண்டறிந்தனர். புதிதாகப் பிறந்த 50,000 குழந்தைகளில் ஒருவருக்கு மட்டுமே இந்த அரிய கோளாறு காணப்படுகிறது.

“சமூக ரீதியாக, லி ஒரு பெண். ஆனால் குரோமோசோமால், அவள் ஆண்தான்,” என்று மூத்த மகப்பேறு மருத்துவர் டுவான் ஜீ கூறினார்.

லிக்கு ஆண் பாலின குரோமோசோம்கள் இருந்தன, ஆனால் பெண் தோற்றம் என்பதை உறுதிப்படுத்தினார்.