ஹெரோயின் விற்பனை செய்து வந்த ஒருவர் கைது

கட்டுநாயக்க சுதந்திர வர்த்தக வலயத்தில் கடமையாற்றும் போதைப்பொருளுக்கு அடிமையான இளைஞர்களுக்கு ஹெரோயின் விற்பனை செய்து வந்த ஒருவர் கைது செய்யப்பட்டுள்ளார்.

கட்டுநாயக்க காவற்துறையின் குற்றப்புலனாய்வு பிரிவின் அதிகாரிகள் குழுவினால் இந்த கைது நடவடிக்கை எடுக்கப்பட்டுள்ளது.

கிம்புலாபிட்டிய பிரதேசத்தில் வசிக்கும் திருமணமான ஒருவரே இவ்வாறு கைது செய்யப்பட்டுள்ளார்.

இலங்கை கடற்படையின் புலனாய்வுப் பிரிவின் அதிகாரி எனக் கூறிக்கொண்டு கட்டுநாயக்க பிரதேசத்தில் சுற்றித் திரிந்து ஹெரோயின் கடத்தலில் ஈடுபட்டு வந்துள்ளார்.

சந்தேக நபர் கொழும்பில் இருந்து ஹெரோயின் போதைப்பொருளை மொத்தமாக கொண்டு வந்து கட்டுநாயக்க சுதந்திர வர்த்தக வலய ஊழியர்களுக்கு நீண்டகாலமாக விற்பனை செய்து வந்துள்ளார்.

மேலும் அவர் ஹெரோயின் போதைப்பொருளுக்கு அதிக அடிமையாகியுள்ளமை பொலிஸ் விசாரணைகளில் இருந்து தெரியவந்துள்ளது.

அவரிடம் இருந்து சுமார் ஒரு இலட்சம் ரூபா பெறுமதியான 2,400 மில்லிகிராம் ஹெரோயின் போதைப் பொருளையும் பொலிஸார் கண்டுபிடித்துள்ளனர்.

தொடர்புடைய செய்திகள்:

XL புல்லி தாக்குதலுக்குள்ளான 68 வயதான இங்கிலாந்துப் பெண் மரணம் IPL Match 50 – 1 ஓட்டத்தில் ராஜாஸ்தான் அணி தோல்வி பாகிஸ்தானில் நான்கு இந்திய கைதிகள் விடுதலை சிறுநீரக மாற்று அறுவை சிகிச்சை மோசடி – டெல்லி மருத்துவர் உட்பட 7 பேர் கைது அருணாச்சலப் பிரதேச பள்ளியில் 21 குழந்தைகளை பாலியல் பலாத்காரம் செய்த நபருக்கு மரண தண்டனை