பெங்களூரில் மன உளைச்சல் காரணமாக கல்லூரி மாணவி எடுத்த விபதீர முடிவு..!

பெங்களூருவில் 13வது மாடியில் இருந்து குதித்து கல்லூரி மாணவி தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.

பெங்களூரு நாகரபாவி பகுதியை சேர்ந்தவர் விஜயலட்சுமி (17). இவர், அதே பகுதியில் உள்ள தனியார் கல்லூரியில் இரண்டாம் ஆண்டு படித்து வருகிறார். இவர், கடந்த 2 வாரமாக மன உளைச்சலில் இருந்ததாகவும், வீட்டில் யாருடனும் பேசாமல் இருந்ததாகவும் கூறப்படுகிறது.

இந்நிலையில், கடந்த 4 நாள்களுக்கு முன்பு, விஜயலட்சுமி வீட்டில் இருந்து காணாமல் போயுள்ளார். பின்பு, வீட்டில் உள்ளவர்கள் அவரை அக்கம் பக்கத்தில் தேடியுள்ளனர். அவரை எங்கு தேடியும் கிடைக்காததால் ஞானபாரதி காவல் நிலையத்தில் புகார் அளித்துள்ளனர்.

பின்னர், பொலிஸார் புகார் குறித்து விசாரணை நடத்தி வந்தனர். இதனிடையே, தர்மஸ்தலாவுக்கு சென்று, நேத்ராவதி ஆற்றில் குதித்து தற்கொலைக்கு முயன்ற விஜயலட்சுமியை வயதானவர் ஒருவர் மீட்டுள்ளார். அவர் கொடுத்த தகவலின் அடிப்படையில் பெங்களூரு பொலிஸார் விஜயலட்சுமியை பெற்றோரிடம் ஒப்படைத்தனர்.

இந்நிலையில், விஜயலட்சுமி நேற்று வீட்டில் யாரும் இல்லாத போது நாகரபாவி மைசூரு சாலையில் உள்ள குடியிருப்பு ஒன்றுக்கு சென்றுள்ளார். அங்கு, 13வது மாடியின் மேலிருந்து கீழே குதித்துள்ளார்.விஜயலட்சுமி சம்பவ இடத்திலே உயிரிழந்தார். பின்பு, இதுகுறித்து பேடராயனபுரா பொலிசாருக்கு தகவல் அளிக்கப்பட்டது.அதன்படி, சம்பவ இடத்திற்கு வந்த பொலிஸார் விஜயலட்சுமியின் உடலை மீட்டு பிரேத பரிசோதனைக்கு அனுப்பி வைத்தனர். மேலும், இது குறித்து வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்:

ஐதராபாத் அணியை வீழத்தி கொல்கத்தா நைட் ரைடர்ஸ் வெற்றி ஜம்மு – காஷ்மீர் பகுதியில் சக்திவாய்ந்த நிலநடுக்கம்! மணிப்பூர் விவகாரம்! மத்திய அரசின் நிலைப்பாடு தொடர்பில் ராஜ்நாத் சிங் வெளியிட்ட தகவல் நடன அழகி கொடூர கொலை; ராணுவ உயரதிகாரி கைது..!