பாகிஸ்தானில் பள்ளத்தில் கவிழந்து விபத்துக்குள்ளான பேருந்து – 12 பேர் பலி!

பாகிஸ்தானின் பஞ்சாப் மாகாணத்தில் நெடுஞ்சாலையில் பயணித்த பேருந்து ஒன்று பள்ளத்தில் கவிழ்ந்து விபத்துக்குள்ளானதில், 12 பேர் உயிரிழந்துள்ளதுடன், 8 பேர் காயமடைந்துள்ளனர்.

தலைநகர் இஸ்லாமாபாத்தில் இருந்து கிழக்கு நகரமான லாகூர் நோக்கிப் பயணித்த பேருந்து, உப்பு மலைத்தொடர் பகுதியில்  கவிழ்ந்து விபத்துக்குள்ளாகியது.

இதில் பேருந்தில் பயணித்த 5 பேர் சம்பவ இடத்திலேயே உயிரிழந்துள்ளதுடன், 07  பேர்  வைத்தியசாலையில் உயிரிழந்துள்ளனர். அத்துடன் 8 பேர் காயங்களுடன் வைத்தியசாலைக்கு கொண்டு செல்லப்பட்டுள்ளனர்.

விபத்துக்கான காரணத்தை அறிய பொலிஸார் விசாரணைகளை துரிதப்படுத்தியுள்ளனர்.

பாக்கிஸ்தானில் போக்குவரத்து விபத்துக்கள் பொதுவானவை, என்றாலும், தரமற்ற பாதை அமைப்புகளால் அடிக்கடி விபத்துகள் சம்பவிக்கின்றமை குறிப்பிடத்தக்கது.