வற் வரி அதிகரிப்பு கையடக்கத் தொலைபேசிகளின் விலையை கடுமையாக உயர்த்தும்

புதிய பெறுமதி சேர் வரி (VAT) 18% வீதத்தில் நடைமுறைப்படுத்தப்பட்டதன் பின்னர், அனைத்து கையடக்கத் தொலைபேசிகள், பாகங்கள் மற்றும் நிலையான பொருட்களின் சில்லறை விலைகள் அதிகரிக்கும் என அகில இலங்கை தொடர்பாடல் உரிமையாளர்கள் சங்கம் (ACCOA) இன்று தெரிவித்துள்ளது.

அதிகரிக்கப்படவுள்ள விலைகளை தங்களால் தீர்மானிக்க முடியாது என அதன் தலைவர் இந்திரஜித் பெரேரா தெரிவித்துள்ளார்.

“விலை உயர்வு சிறிய அளவிலான மொபைல் விற்பனையாளர்கள் மற்றும் இறக்குமதியாளர்களை நேரடியாகப் பாதிக்கும்.

நுகர்வோர் தொலைபேசிகள் அல்லது பாகங்கள் எதையும் வாங்க முடியாது. மொபைல் போன்கள் இன்றியமையாத மற்றும் முக்கிய சாதனங்களாக மாறிவிட்டன,

மேலும் சார்ஜர்கள், பின் கவர்கள் போன்ற பொதுவான பாகங்கள் , டிஸ்ப்ளேக்கள், கேபிள்கள், திரைப் பாதுகாப்புக் கவசங்கள் மற்றும் பிற மின்னணுப் பாகங்கள் ஆகியவை சாதனங்களைப் பராமரிப்பதில் மிகவும் முக்கியமானதாகக் கருதப்படுகின்றன.

இப்போது யாரும் கையடக்கத் தொலைபேசியைப் பயன்படுத்தாமல் ஒரு நிமிடம் கூட வாழ முடியாது” என்று பெரேரா கூறினார்.

எனவே கையடக்கத் தொலைபேசிகளுக்கு VAT விதிக்கப்படக் கூடாது எனவும் அவர் மேலும் தெரிவித்துள்ளார்.

மேலும், அனைத்து ஸ்டேஷனரி பொருட்களின் விலையும் உயரும் என்றும், அது அடுத்த பாடசாலை மாணவர்களை பாதிக்கும் என்றும் அவர் கூறினார்.