ரஷ்யாவின் முக்கிய உளவுத்துறைக்கு சொந்தமான கட்டிடத்தில் வெடிப்பு

உக்ரைனில் இருந்து 75 மைல் தொலைவில் அமைந்துள்ள ரஷ்ய பெடரல் செக்யூரிட்டி சேவைக்கு சொந்தமான கட்டிடத்தில் உள்ள கிடங்கு ஒன்றில் தீ விபத்து ஏற்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

தற்போதைய ஜனாதிபதி விளாடிமிர் புடின், எல்லைக் காவலர்களை உள்ளடக்கிய ரஷ்யாவின் முக்கிய உளவு அமைப்பான FSB இன் முன்னாள் தலைவராக பணியாற்றினார்.

ரஷ்யாவின் தெற்கு பகுதியில் உள்ள ரோஸ்டோவ்-ஆன்-டான் நகரில் உள்ள மத்திய பாதுகாப்பு சேவையின் எல்லை ரோந்து பிரிவுக்கு சொந்தமான கட்டிடத்தில் இன்று காலை தொடர் வெடிப்பு சம்பவங்களுடன் தீ விபத்து ஏற்பட்டதாக தெரிவிக்கப்பட்டுள்ளது.

இந்த தீ விபத்தில் கட்டிடத்தில் இருந்த ஒருவர் உயிரிழந்தார், மேலும் இருவர் காயமடைந்தனர், மேலும் நகரின் பெரும்பகுதி கரும் புகையால் மூடப்பட்டிருந்தது.

தீ விபத்துடன், கட்டிடத்தில் உள்ள ஆயுதக் களஞ்சியத்தில் இருந்து ஒவ்வொரு 10 வினாடிக்கும் வெடிக்கும் சத்தம் கேட்டதாக குடியிருப்பாளர்கள் தெரிவித்தனர்.

ரஷ்ய ஜனாதிபதி விளாடிமிர் புடின் உக்ரைனுக்கு எதிராக நடத்தும் போரை எதிர்த்தவர்களால் இந்த நாசவேலை மேற்கொள்ளப்பட்டிருக்கலாம் என அந்நாட்டு அதிகாரிகள் சந்தேகம் எழுப்பியுள்ளதாக வெளிநாட்டு ஊடகங்கள் செய்தி வெளியிட்டுள்ளன.

தெற்கு ரஷ்யாவில் ஏற்பட்ட தீ விபத்து குறித்து உக்ரைனில் இருந்து அதிகாரப்பூர்வ அறிவிப்பு எதுவும் வெளியிடப்படவில்லை என தகவல்கள் தெரிவிக்கின்றன.