பிரித்தானியாவில் சீக்கிய ஆர்வலருக்கு அச்சுறுத்தல்: பாதுகாப்பை பலப்படுத்த பொலிஸார் அறிவுறுத்தல்

பிரித்தானியாவில் வசிக்கும் முக்கிய சீக்கிய ஆர்வலரான பரம்ஜீத் சிங் பம்மாவுக்கு (Paramjeet Singh Pamma) எதிராகத் தீவிர அச்சுறுத்தல்கள் நிலவுவதால், அவரது வீட்டின் பாதுகாப்பை பலப்படுத்துமாறு பொலிஸார் அறிவுறுத்தியுள்ளனர்.

கண்காணிப்பு கமெராக்களைப் பொருத்துமாறும், கதவுப் பூட்டுகளை உறுதிப்படுத்துமாறும் அவருக்கு ஆலோசனைகள் வழங்கப்பட்டுள்ளன.

இந்திய அரசால் தடைசெய்யப்பட்ட காலிஸ்தான் (Khalistan) இயக்கத்தின் ஆதரவாளரான பம்மா, தனக்கு விடுக்கப்பட்டுள்ள அச்சுறுத்தல்கள் இந்திய அரசாங்கத்துடன் தொடர்புடையவை எனக் குற்றஞ்சாட்டியுள்ளார்.

அண்மையில் கனடா மற்றும் அமெரிக்காவில் சீக்கிய ஆர்வலர்களுக்கு எதிராக நடத்தப்பட்ட தாக்குதல்களைத் தொடர்ந்து, இந்த எச்சரிக்கை மிக முக்கியமானதாகப் பார்க்கப்படுகிறது.

பிரித்தானிய மண்ணில் வெளிநாட்டு அரசுகளின் தலையீடுகள் மற்றும் அச்சுறுத்தல்கள் அதிகரித்து வருவதாக MI5 புலனாய்வு அமைப்பு ஏற்கனவே கவலை வெளியிட்டுள்ளது.

எனினும், இந்திய அரசுடனான வர்த்தக உறவுகள் காரணமாக இத்தகைய அச்சுறுத்தல்களை பிரித்தானிய அரசு தீவிரமாகப் பரிசீலிக்கவில்லை என சீக்கிய அமைப்புகள் அதிருப்தி வெளியிட்டுள்ளன.