வெள்ளப் பேரழிவின் இறப்புகள் துல்லியமாக கணக்கிடப்படவில்லை – எதிர்கட்சி குற்றச்சாட்டு!

சமீபத்திய வெள்ளப் பேரழிவின் அதிகாரப்பூர்வ புள்ளிவிவரங்கள் துல்லியமாக இல்லை, ஏனெனில் சில இறப்புகள் கணக்கிடப்படவில்லை என்று ஐக்கிய தேசிய கட்சி இன்று அறிவித்துள்ளது.

ஐக்கிய தேசியக் கட்சியின் (UNP) உதவித் தலைவர் அகில விராஜ் காரியவசம்,   அதிகாரப்பூர்வ இறப்பு எண்ணிக்கை துல்லியமான எண்ணிக்கையாக இருக்க முடியாது என திட்டவட்டமாக தெரிவித்துள்ளார்.

துல்ஹிரியாவில் சுமார் 21 வாகனங்கள் வெள்ளத்தில் அடித்துச் செல்லப்பட்டுள்ளதாக சுட்டிக்காட்டிய அவர், குருநாகல் போன்ற பகுதிகளிலிருந்தும் இதே போன்ற தகவல்கள் வருவதாகவும் தெரிவித்துள்ளார்.

எனவே, கொடுக்கப்பட்ட அதிகாரப்பூர்வ புள்ளிவிவரங்கள் நிச்சயமாக துல்லியமாக இருக்க முடியாது,” என்று அவர் மீண்டும் குறிப்பிட்டுள்ளார்.

“உயிர்கள் இழப்பு, காயமடைந்தவர்கள் மற்றும் சேதமடைந்த சொத்துக்களை மதிப்பிடுவது அவசியம்,” என்றும்  அவர் வலியுறுத்தியுள்ளார்.