வர்த்தக மேடையில் மீண்டும் இணையும் ட்ரம்ப் – மோடி சலுகை எண்ணெயிலிருந்து நட்பு ஒப்பந்தம் வரை

உலக அரசியல் மேடையில் மீண்டும் ஒரு புதிய அத்தியாயம் ஆரம்பமாகும் போல் தெரிகிறது. கடந்த சில மாதங்களாக அமெரிக்கா மற்றும் இந்தியா இடையேயான உறவில் மந்தநிலை இருந்தாலும், வர்த்தகக் கூட்டாண்மை வழியாக மீண்டும் இணைவதற்கான அறிகுறிகள் வெளிப்படுகின்றன.

இதற்கான முதல் அடியை அமெரிக்க ஜனாதிபதி டொனால்ட் ட்ரம்ப் எடுத்து வைத்துள்ளார். சர்வதேச வர்த்தகச் சூழல் பதற்றமடைந்துள்ள நிலையில், அமெரிக்கா–இந்தியா உறவு மீண்டும் நேர்மறை திசையில் நகர்கிறது.

இந்தியாவுடனான வர்த்தகப் பேச்சுவார்த்தைகள் சிறப்பாக நடைபெற்று வருவதாக அமெரிக்க ஜனாதிபதி டொனால்ட் ட்ரம்ப், வெள்ளை மாளிகையில் ஊடகங்களுக்குக் கருத்து தெரிவிக்கும்போது கூறியுள்ளார்.

இந்தியா ரஷ்யாவிலிருந்து எண்ணெய் வாங்குவதை பெரும்பாலும் நிறுத்திவிட்டதாகக் கூறிய ட்ரம்ப், இந்தியப் பிரதமர் நரேந்திர மோடி தன்னை அழைத்தால், 2026 ஆம் ஆண்டில் இந்தியா வருவேன் என்றும் கூறியுள்ளார். மேலும், மோடியைத் தனது நண்பர் மற்றும் சிறந்த மனிதர் எனவும் அவர் தெரிவித்துள்ளார்.

கடந்த சில மாதங்களாக இந்தியா–அமெரிக்க உறவுகளில் விரிசல் ஏற்பட்டுள்ளது. அதிக கட்டணங்கள், H1B விசாவுக்கு 100,000 டொலர் கட்டணம், ட்ரம்பின் அரசியல் கருத்துக்கள், மேலும் ரஷ்யாவின் கச்சா எண்ணெய் கொள்வனவு போன்றவை இரு நாடுகளுக்கும் இடையேயான உறவுகளில் விரிசலை ஏற்படுத்தியுள்ளதாக நிபுணர்கள் கூறுகின்றனர்.

தற்போது இந்தியா அதன் ஏற்றுமதிகளுக்கு 50% வரிகளை எதிர்கொள்கிறது. இந்த வரி விதிப்பு சீனாவுக்கு விதிக்கப்பட்ட 47% வரியை விட அதிகம்.

எனினும், வர்த்தகப் பேச்சுவார்த்தைகள் நடந்து வருவதாகவும், இந்த ஆண்டு இறுதிக்குள் ஒப்பந்தம் எட்டப்படும் என எதிர்பார்க்கப்படுவதாகவும் ஆக்ஸ்போர்டு பொருளாதார நிறுவனத்தின் தென்கிழக்கு ஆசிய ஆராய்ச்சி தலைவர் அலெக்சாண்ட்ரா ஹெர்மன் தெரிவித்துள்ளார்.

அவரின் கூற்றுப்படி, இந்தியப் பொருட்களின் மீதான வரி 50% இலிருந்து 20% ஆகக் குறைக்கப்படலாம். இதனால், இந்தியா வியட்நாம், தாய்லாந்து, பிலிப்பைன்ஸ் போன்ற ஆசிய நாடுகளுடன் ஒப்பிடத்தக்க நிலைக்கு வரலாம். ஆனால் ரஷ்ய எண்ணெய் கொள்முதல் மற்றும் அமெரிக்காவில் முதலீட்டு வரம்புகள் காரணமாக, இந்தியாவின் அடிப்படை வரி 15% க்கும் கீழாகக் குறையாது எனவும் அவர் தெரிவித்துள்ளார்.

இதனிடையே, அமெரிக்கா ரஷ்ய எண்ணெய் நிறுவனங்களான ரோஸ்நெஃப்ட் மற்றும் லுகோயில் மீது தடைகளை விதித்துள்ளது. இதன் விளைவாக, இந்திய மற்றும் சீன சுத்திகரிப்பு நிறுவனங்கள் ரஷ்ய எண்ணெய் இறக்குமதியைக் குறைத்துள்ளன. ரொய்ட்டர்ஸ் வெளியிட்ட தகவலின்படி, இந்தக் குறைப்பின் காரணமாக ஆசியாவில் ரஷ்ய எண்ணெய் ஒரு ஆண்டிற்குப் பிறகு மிகப்பெரிய சலுகை விலையில் வர்த்தகம் செய்யப்படுகிறது.

ரஷ்ய எண்ணெயை முற்றிலும் வெளியேற்றுவது இந்தியாவைப் பொருத்தவரை நடைமுறைக்குச் சாத்தியமில்லை என ரைஸ்டாட் எனர்ஜி நிறுவனத்தின் ஆசிய பசிபிக் ஆராய்ச்சி தலைவர் பிரதீக் பாண்டே தெரிவித்துள்ளார். சலுகை விலையில் கச்சா எண்ணெய் கிடைக்கும் நிலையில், இந்தியாவின் ‘பொருளாதாரம் முதலில்’ என்ற கொள்கை கடுமையான சோதனையைச் சந்திக்கிறது.

அமெரிக்கா–இந்தியா உறவுகள் சில பிரச்சினைகள் காரணமாகப் பதற்றத்தில் இருந்தாலும், வர்த்தகப் பேச்சுவார்த்தைகள் நேர்மறை திசையில் நகர்கின்றன. வரி குறைப்புகள் மற்றும் புதிய ஒப்பந்தம் இரு நாடுகளின் உறவை வலுப்படுத்தக்கூடும் என நிபுணர்கள் நம்பிக்கை தெரிவித்துள்ளனர்.

எவ்வாறாயினும், ரஷ்ய எண்ணெய் விவகாரம் இன்னும் சவாலாகவே இருக்கும். இந்தியா தனது “பொருளாதாரம் முதலில்” என்ற கொள்கையிலிருந்து விலகாது. இதன் அடிப்படையில் இந்தியா ரஷ்யாவிலிருந்து எண்ணெய் இறக்குமதியை முழுமையாக நிறுத்தாது, ஆனால் சராசரியாக 20–30% அளவுக்குக் குறைக்கும். இது அமெரிக்காவைச் சமாதானப்படுத்தும் மத்தியநிலை தீர்வாக அமையும்.

இதேவேளை, அமெரிக்கா, இந்தியாவைச் சீனாவுக்கு எதிரான முக்கிய தூணாகப் பார்க்கிறது. இதனால், AI, சிப் உற்பத்தி, பாதுகாப்பு தொழில்நுட்பம் போன்ற துறைகளில் கூட்டு முதலீடுகள் அதிகரிக்கும். இது இந்தியாவின் தொழில்நுட்பத் துறைக்கு ஒரு பெரிய முன்னேற்றத்தைத் தரும். பெரும் சர்ச்சையாக மாறியிருக்கும் 100,000 H1B டொலர் கட்டண விவகாரம், வர்த்தக உறவு மேம்பட்டால் தளர்த்தப்படும் என்பதில் சந்தேகமில்லை.

அமெரிக்காவின் அரசியல் போக்கும், இந்தியாவின் பொருளாதார நிதானமும் சேரும்போது உருவாகும் புதிய சமநிலைதான் உலகம் இன்று கவனித்துக் கொண்டிருப்பது. ஒருபுறம் ரஷ்ய எண்ணெய் விவகாரம் சவாலாக இருந்தாலும், மறுபுறம் வர்த்தக ஒப்பந்தம் மற்றும் தொழில்நுட்பக் கூட்டாண்மை வாயிலாக இரு நாடுகளும் மீண்டும் ஒரே திசையில் பயணிக்கத் தொடங்கியுள்ளன.

இப்போதைய இந்தச் சுடர் 2026 ஆம் ஆண்டுக்குள் ஒரு புதிய ட்ரம்ப்–மோடி அத்தியாயம் தொடங்குமா என்பதே உலக அரசியல் மேடையில் எழும் பெரிய கேள்வி.
இதன் அடிப்படையில் இந்தியா ரஷ்யாவிலிருந்து எண்ணெய் இறக்குமதியை முழுமையாக நிறுத்தாது, ஆனால் சராசரியாக 20–30% அளவுக்கு குறைக்கும்.
இது அமெரிக்காவை சமாதானப்படுத்தும் மத்தியநிலை தீர்வாக அமையும்.

இதேவேளை, அமெரிக்கா, இந்தியாவை சீனாவுக்கு எதிரான முக்கிய தூணாக பார்க்கிறது. இதனால், AI, சிப் உற்பத்தி, பாதுகாப்பு தொழில்நுட்பம் போன்ற துறைகளில் கூட்டு முதலீடுகள் அதிகரிக்கும்.

இது இந்தியாவின் தொழில்நுட்ப துறைக்கு பெரிய முன்னேற்றத்தைத் தரும். பெரும் சர்ச்சையாக மாறியிருக்கும் $100,000 H1B கட்டண விவகாரம் , வர்த்தக உறவு மேம்பட்டால் தளர்த்தப்படும் என்பதில் சந்தேகமில்லை.

அமெரிக்காவின் அரசியல் போக்கும், இந்தியாவின் பொருளாதார நிதானமும் சேரும்போது உருவாகும் புதிய சமநிலை தான் உலகம் இன்று கவனித்துக் கொண்டிருப்பது.

ஒருபுறம் ரஷ்ய எண்ணெய் விவகாரம் சவாலாக இருந்தாலும், மறுபுறம் வர்த்தக ஒப்பந்தம் மற்றும் தொழில்நுட்ப கூட்டாண்மை வாயிலாக இரு நாடுகளும் மீண்டும் ஒரே திசையில் பயணிக்கத் தொடங்கியுள்ளன.

இப்போதைய இந்தச் சுடர் 2026 ஆம் ஆண்டுக்குள் ஒரு புதிய ட்ரம்ப்–மோடி அத்தியாயம் தொடங்குமா என்பதே உலக அரசியல்
மேடையில் எழும் பெரிய கேள்வி.