புவி வெப்பமயமாதலுக்கு தொழில்நுட்பத் தீர்வு காணும் எலான் மஸ்க்
புவி வெப்பமயமாதல் பிரச்சினைக்குத் தீர்வு காணும் வகையில் ஒரு புதிய யோசனையை கோடீஸ்வர வர்த்தகரான எலான் மஸ்க் முன்வைத்துள்ளார்.
செவ்வாய் கிரகம், விண்வெளிப் பயணம் ஆகியவற்றில் கவனம் செலுத்தி வரும் எலான் மஸ்க், தற்போது புவி வெப்பமயமாதல் தொடர்பில் கவனம் செலுத்தியுள்ளார்.
அதன்படி, ஒரு பெரிய, சூரிய சக்தியில் இயங்கும் ஏ.ஐ. செயற்கைக்கோள் கூட்டமைப்பு (AI Satellite Constellation), பூமிக்கு வரும் சூரிய ஒளியின் அளவை மிகக் குறைந்த அளவிற்குக் குறைப்பதன் மூலம் புவி வெப்பமயமாதலைத் தடுத்துவிட முடியும் என எலான் மஸ்க் நம்பிக்கை வெளியிட்டுள்ளார்.
சூரிய ஒளியில் இருந்து பூமியைக் குளிர வைக்கும் இந்த யோசனைக்கு சோலார் ஜியோ இன்ஜினியரிங் (Solar Geoengineering) எனப் பெயரிடப்பட்டுள்ளது.
இந்தச் செயல்பாடு விஞ்ஞான சமூகத்தில் நீண்ட காலமாக விவாதிக்கப்படும் ஒரு சர்ச்சைக்குரிய விடயமாகக் கருதப்படுகிறது.
பூமியைக் குளிர வைக்கும் செயல்பாடு தொழில்நுட்ப ரீதியாக சாத்தியம் என்றபோதும், அதனால் பெரும் (பாரிய) ஆபத்துகள் உள்ளதாக விஞ்ஞானிகள் எச்சரித்துள்ளனர்.
இந்தத் திட்டம் பல எதிர்பாராத பக்க விளைவுகளை ஏற்படுத்தும் என்றும், ஒருமுறை இதைச் செயல்படுத்திவிட்டால், அதனால் ஏற்படும் விளைவுகளை மீட்டுப் பெற முடியாது (திரும்பப் பெற முடியாது) எனவும் அவர்கள் சுட்டிக்காட்டியுள்ளனர்.
இந்த அறிவிப்பின் மூலம் ஸ்டார்லிங்க் (Starlink) திட்டங்கள், ஓர் உயர்நிலை நாகரிகத்தை நோக்கி நகர்வதாக எலான் மஸ்க் மறைமுகமாகத் தெரிவித்துள்ளதாக ஆய்வாளர்கள் சுட்டிக்காட்டியுள்ளனர்.
(Visited 5 times, 5 visits today)
