போர் நிறுத்த முயற்சியில் டிரம்ப் – ரஷ்யாவின் யோசனையை நிராகரித்த ஜெலென்ஸ்கி
டான்பாஸ் பகுதியை போர் நிறுத்தத்திற்காக விட்டுக்கொடுக்கும் ரஷ்யாவின் யோசனையை உக்ரைன் நிராகரிப்பதாக ஜனாதிபதி வோலோடிமிர் ஜெலென்ஸ்கி தெரிவித்துள்ளார்.
அமைதி ஒப்பந்தத்தில் ஒரு பிராந்திய உடன்பாட்டை எட்ட முடியும் என்று அமெரிக்க ஜனாதிபதி டொனால்ட் டிரம்ப் கூறியதாக வெளிநாட்டு தகவல்கள் தெரிவிக்கின்றன.
கீவ் கட்டுப்பாட்டில் உள்ள டான்பாஸின் சில பகுதிகள் சரணடைய வேண்டும் என்று ரஷ்ய ஜனாதிபதி கோரியதாக கூறப்படுகிறது.
இதற்கிடையில், உக்ரைனுக்கு எதிராக ரஷ்யப் படைகள் தொடர்ந்து தாக்குதல்களை நடத்தி வருவதாக உக்ரைன் ஜனாதிபதி குற்றம் சாட்டியுள்ளார்.
லுஹான்ஸ்க் மற்றும் டோனெட்ஸ்கின் கிழக்குப் பகுதிகளைக் கொண்ட டான்பாஸ் பிராந்தியத்தின் ஒரு பகுதி இன்னும் ரஷ்ய கட்டுப்பாட்டில் இருப்பதாக வெளிநாட்டு தகவல்கள் தெரிவிக்கின்றன.
லுஹான்ஸ்க் முழுவதையும், டோனெட்ஸ்கின் சுமார் 70% பகுதியையும் ரஷ்யா கைப்பற்றியதாகக் கூறப்படுகிறது.
இருப்பினும், ஐரோப்பிய ஒன்றியத் தலைவர்களும் உக்ரைனின் எல்லைகளை வலுக்கட்டாயமாக மாற்றக்கூடாது என்று கூறியுள்ளதாக வெளிநாட்டு தகவல்கள் தெரிவிக்கின்றன.
(Visited 6 times, 6 visits today)
