அமெரிக்க நலன்களுக்கு எதிராகச் செயல்படும் நாடுகளுக்கு கூடுதலாக 10% வரி விதிக்கப்படும் – டிரம்ப்!

பிரிக்ஸ் கூட்டணியின் கொள்கைகளுடன் இணைந்து செயல்படும் நாடுகள், அமெரிக்க நலன்களுக்கு எதிராகச் செயல்படும் நாடுகளுக்கு கூடுதலாக 10% வரி விதிக்கப்படும் என்று அமெரிக்க அதிபர் டொனால்ட் டிரம்ப் எச்சரித்துள்ளார்.

சீனா, ரஷ்யா மற்றும் இந்தியா உள்ளிட்ட உறுப்பு நாடுகளை உள்ளடக்கிய பிரிக்ஸ் அமைப்பை டிரம்ப் நீண்ட காலமாக விமர்சித்து வருகிறார்.

இந்த அமைப்பு, நாடுகளின் சர்வதேச நிலையை உயர்த்தவும், அமெரிக்கா மற்றும் மேற்கு ஐரோப்பாவை சவால் செய்யவும் உருவாக்கப்பட்டது.

இந்நிலையில் “பிரிக்ஸ்ஸின் அமெரிக்க எதிர்ப்புக் கொள்கைகளுடன் தங்களை இணைத்துக் கொள்ளும் எந்தவொரு நாட்டிற்கும் கூடுதலாக 10% வரி விதிக்கப்படும். இந்தக் கொள்கைக்கு விதிவிலக்குகள் எதுவும் இருக்காது” என்று டிரம்ப் சமூக ஊடகங்களில் குறிப்பிட்டுள்ளார்.

அமெரிக்காவுடன் கட்டண ஒப்பந்தத்தில் உடன்படுவதற்கான நாடுகளுக்கு ஜூலை 9 ஆம் திகதி காலக்கெடு நிர்ணயிக்கப்பட்டிருந்தது, ஆனால் இப்போது அமெரிக்க அதிகாரிகள் ஆகஸ்ட் 1 ஆம் திகதி தொடங்குவார்கள் என்று கூறுகிறார்கள்.