ஜப்பான் மீது 35% வரி விதிக்க தயாராகும் ட்ரம்ப்!

அடுத்த வார இறுதிக்குள் இரு நாடுகளுக்கும் இடையே ஒரு ஒப்பந்தம் எட்டப்படாவிட்டால், ஜப்பான் மீது “30% அல்லது 35%” வரி விதிக்கப்படும் என்று அமெரிக்க அதிபர் டொனால்ட் டிரம்ப் அச்சுறுத்தியுள்ளார்.

இதற்கு முன்னதாக விதிக்கப்பட்ட 24% வரியை விட இது மிக அதிகமாக இருக்கும்.

வாஷிங்டனுடன் ஒப்பந்தங்கள், பேச்சுவார்த்தை நடத்த அவகாசம் அளிக்க ஜப்பான் உட்பட பெரும்பாலான அமெரிக்க வர்த்தக கூட்டாளிகள் மீதான வரிகள் பின்னர் 90 நாட்களுக்கு 10% ஆகக் குறைக்கப்பட்டன.

அந்த இடைநிறுத்தம் ஜூலை 9 ஆம் தேதியுடன் முடிவடைகிறது, மேலும் காலக்கெடுவை நீட்டிக்கத் திட்டமிடவில்லை என்று டிரம்ப் கூறியுள்ளார்.

இந்நிலையிலேயே புதிய வரி விதிப்புகள் வந்துள்ளன.