பிரித்தானியாவல் நள்ளிரவில் ஏற்பட்ட வெடிப்பு : 06 வீடுகள் பற்றி எரிந்ததால் பதற்றம்!

பிரித்தானியாவின் ஹாலிஃபாக்ஸில் நேற்று (25.06) இரவு ஆறு வீடுகள் தீப்பிடித்து எரிந்துள்ளன.

அவ்வீடுகளில் தங்கியிருந்த மூன்றுபேர் காயமடைந்த நிலையில் மருத்துவமனைக்கு கொண்டுச் செல்லப்பட்டதாக அதிகாரிகள் உறுதிப்படுத்தியுள்ளனர்.

நள்ளிரவுக்குப் பிறகு நகரின் ஸ்பிரிங் ஹால் லேன் பகுதியில் ஏற்பட்ட வெடிப்பால் தீவிபத்து ஏற்பட்டதாக தெரிவிக்கப்படுகிறது

14 வீடுகளில் வசிப்பவர்கள் வெளியேற்றப்பட்டதாக மேற்கு யார்க்ஷயர் காவல்துறை தெரிவித்துள்ளது. ஒரே வீட்டைச் சேர்ந்த இருவர் பலத்த காயமடைந்தனர், மற்றொரு வீட்டைச் சேர்ந்த மூன்றாவது நபர் சிறு காயங்களுக்கு சிகிச்சை பெற்றுள்ளார்.

தீயை அணைக்க தொழில்நுட்ப மீட்பு மற்றும் கட்டளைப் பிரிவுடன் ஐந்து குழுக்கள் அனுப்பப்பட்டதாகவும் காவல்துறை தெரிவித்துள்ளது.

தீவிபத்து தொடர்பான விசாரணைகள் முன்னெடுக்கப்பட்டு வருவதாக அறிவிக்கப்பட்டுள்ளது.