நைஜீரியாவிடம் திருடப்பட்ட 119 சிற்பங்களை திருப்பி அனுப்பிய நெதர்லாந்து

120 ஆண்டுகளுக்கு முன்பு காலனித்துவ காலத்தில் முன்னாள் நைஜீரிய இராச்சியமான பெனினில் இருந்து திருடப்பட்ட 119 பழங்கால சிற்பங்களை நெதர்லாந்து அதிகாரப்பூர்வமாக திருப்பி அனுப்பியுள்ளது.

நைஜீரியாவின் அருங்காட்சியகங்கள் மற்றும் நினைவுச்சின்னங்களுக்கான தேசிய ஆணையத்தின் இயக்குநர் ஜெனரல் ஒலுக்பைல் ஹாலோவே, இந்த கலைப்பொருட்கள் “அவை எடுக்கப்பட்ட மக்களின் ஆவி மற்றும் அடையாளத்தின் உருவகங்கள்” என்று தெரிவித்தார்.

“உலகத்திடம் நாம் கேட்பதெல்லாம், எங்களை நியாயமாகவும், கண்ணியமாகவும், மரியாதையுடனும் நடத்த வேண்டும் என்பதுதான்,” என்று லாகோஸில் உள்ள தேசிய அருங்காட்சியகத்தில் நடைபெற்ற விழாவில் அவர் குறிப்பிட்டார்.

ஜெர்மனியும் 1,000 க்கும் மேற்பட்ட கூடுதல் படைப்புகளைத் திருப்பித் தர ஒப்புக்கொண்டதாக ஹாலோவே மேலும் தெரிவித்துள்ளார்.