கனடாவில் விசா நிராகரிக்கப்பட்டவர்களுக்கு மீண்டும் ஒரு வாய்ப்பு!

கனடாவில் உங்களுடைய விசா நிராகரிக்கப்பட்டால் மறு ஆய்வு செய்வதற்கான கால அவகாசம் தற்போது நீடிக்கப்பட்டுள்ளது.

இதற்கமைய நிராகரிக்கப்பட்ட குடியேற்ற விண்ணப்பதாரர்கள் கூட்டாட்சி நீதிமன்றத்தில் நீதித்துறை மறுஆய்வு கோருவதற்கான கால வரம்பை 75 நாட்களாக கனேடிய  அரசாங்கம் நீடித்துள்ளது.

மே 14, 2025 முதல் அமலுக்கு வரும் வகையில், இந்த மாற்றம் நடைமுறைக்கு வந்துள்ளது.

குறிப்பாக பார்வையாளர், படிப்பு மற்றும் பணி அனுமதி வகைகளில் விசா மறுப்புகளில் தொடர்ச்சியான அதிகரிப்புக்கு மத்தியில், குடியேற்ற முடிவுகளை சவால் செய்ய விரும்பும் நபர்களுக்கு இந்த மாற்றம் வரவேற்கத்தக்க நிவாரணமாகும்.

புதிய கூட்டாட்சி நீதிமன்ற வழிகாட்டுதல்களின் கீழ், நீட்டிக்கப்பட்ட 75 நாள் கால அவகாசம் ஜனவரி 1, 2024 மற்றும் டிசம்பர் 31, 2025 க்கு இடையில் தாக்கல் செய்யப்பட்ட அனைத்து நீதித்துறை மறுஆய்வு விண்ணப்பங்களுக்கும் பொருந்தும் என்பதும் குறிப்பிடத்தக்கது.