கத்தாரின் விமான பரிசை ஏற்றுக்கொண்ட அமெரிக்கா

அமெரிக்கா கத்தாரின் பரிசாக 747 ஜெட்லைனரை ஏற்றுக்கொண்டுள்ளது, மேலும் புதிய ஏர் ஃபோர்ஸ் ஒன்னாகப் பயன்படுத்த விரைவாக மேம்படுத்துவதற்கான வழியைக் கண்டறிய விமானப்படையிடம் கேட்கப்பட்டுள்ளதாக பென்டகன் தெரிவித்துள்ளது.

பாதுகாப்புச் செயலாளர் பீட் ஹெக்ஸெத், அமெரிக்க ஜனாதிபதி டொனால்ட் டிரம்பின் அதிகாரப்பூர்வ விமானமாகப் பயன்படுத்த 400 மில்லியன் அமெரிக்க டாலர் (S$500 மில்லியன்) மதிப்புள்ள போயிங் தயாரிப்பான ஜெட் விமானத்தை ஏற்றுக்கொண்டதாக பென்டகன் தெரிவித்துள்ளது.

பென்டகன் செய்தித் தொடர்பாளர் சீன் பார்னெல், பாதுகாப்புத் துறை “சரியான பாதுகாப்பு நடவடிக்கைகள் மற்றும் செயல்பாட்டு பணித் தேவைகள் பரிசீலிக்கப்படுவதை உறுதிசெய்ய பாடுபடும்” என்றார்.

ஊழல் மற்றும் முறையற்ற செல்வாக்கைத் தடுக்கும் நோக்கில் வெளிநாட்டு அரசாங்கங்களின் பரிசுகள் தொடர்பான சட்டங்களின் நோக்கம் குறித்து சட்ட வல்லுநர்கள் கேள்வி எழுப்பியுள்ளனர்.

ஜனநாயகக் கட்சியினரும் இந்த ஒப்படைப்பைத் தடுக்க முயன்றனர்.