பாகிஸ்தானிலிருந்து பிரிந்து தனி சுதந்திர நாடாக உருவெடுக்கும் பலுசிஸ்தான்!
பாகிஸ்தானின் மிகப்பெரிய மாகாணமாகக் கருதப்படும் பலுசிஸ்தான், விரைவில் பாகிஸ்தானிலிருந்து பிரிந்து தனி சுதந்திர நாடாக உருவெடுக்கும் என்று இந்திய ஊடகங்கள் செய்தி வெளியிட்டுள்ளன.
பலுசிஸ்தானின் தலைவராக நம்பப்படும் மிர் யாரின் குறிப்பை மேற்கோள் காட்டி, செய்திகள் இவ்வாறு கூறுகின்றன.
பலூசிஸ்தான் தனது பிராந்தியத்தில் பல தசாப்தங்களாக வன்முறை, கட்டாயமாக காணாமல் போதல் மற்றும் மனித உரிமை மீறல்கள் ஆகியவற்றைக் காரணம் காட்டி, பாகிஸ்தானிடமிருந்து சுதந்திரம் பெறுவதாகக் குறிப்பில் குறிப்பிடப்பட்டுள்ளது.
இந்திய குடிமக்கள், ஊடகங்கள், யூடியூப் மற்றும் பிற சமூக ஊடக பயனர்கள் மற்றும் உலக சமூகம் பலுசிஸ்தானை பாகிஸ்தானின் ஒரு பகுதியாகக் குறிப்பிடுவதைத் தவிர்க்க வேண்டும் என்றும் அவர் கேட்டுக்கொள்கிறார்.
பலுசிஸ்தான் இனி பாகிஸ்தான் அல்ல என்றும், பாகிஸ்தானில் இருந்து பிரிந்ததில் தங்கள் மகிழ்ச்சியை வெளிப்படுத்த பலுச் மக்கள் வீதிகளில் இறங்கிப் போராடுகிறார்கள் என்றும் அது கூறுகிறது.
பலுசிஸ்தான் மாகாணம் பாகிஸ்தானின் மொத்த நிலப்பரப்பில் 44% ஆகும்.
இருப்பினும், பலுசிஸ்தான் பாகிஸ்தானில் மிகக் குறைந்த மக்கள் தொகை கொண்ட மாகாணமாகும்.
பலுசிஸ்தான் பகுதி ஈரான் மற்றும் ஆப்கானிஸ்தானின் எல்லையில் உள்ள ஒரு பகுதியாகும்.
பலுசிஸ்தான் விடுதலைப் படை என்ற பிரிவினைவாதக் குழு, சிறிது காலமாக பாகிஸ்தான் அரசுக்கு எதிராகப் பெரும் போராட்டத்தில் ஈடுபட்டு வருகிறது.
இந்த விடுதலைப் படை கடந்த மார்ச் மாதம் பலுசிஸ்தான் மாகாணத்தில் உள்ள குவெட்டாவிலிருந்து பெஷாவர் செல்லும் ரயிலைக் கடத்தி, கிட்டத்தட்ட 400 பயணிகளைப் பிணைக் கைதிகளாகப் பிடித்தது.
(Visited 69 times, 69 visits today)
