அமெரிக்காவில் தனியார் கல்லூரி வளாகத்தில் துப்பாக்கி சூடு

அமெரிக்காவின் லாஸ் ஏஞ்சல்ஸ் நகருக்கு அருகிலுள்ள ஒரு தனியார் கல்லூரி வளாகத்தில் துப்பாக்கிதாரி ஒருவர் இரண்டு பெண்களைக் காயப்படுத்தியதாக அதிகாரிகள் தெரிவித்தனர்.

“ஒருவரின் நிலை கவலைக்கிடமாக உள்ளது, மேலும் ஒருவரின் நிலை தற்போது சீராக உள்ளது” என்று இங்கிள்வுட் மேயர் ஜேம்ஸ் பட்ஸ் செய்தியாளர்களிடம் தெரிவித்தார்.

இங்கிள்வுட்டில் உள்ள விமானவியல் கற்பிக்கும் தனியார் கல்லூரியான ஸ்பார்டன் கல்லூரியின் வளாகத்தில் துப்பாக்கிச் சூடு நடந்தது.

சந்தேக நபர் முன்னாள் கல்லூரி ஊழியராக இருக்கலாம் என்று மேயர் தெரிவித்தார்.

சந்தேக நபர் ஒரு பாதுகாவலரின் சீருடையை ஒத்த சீருடையை அணிந்திருந்ததாகவும், அவர் போலீசாரால் கைது செய்யப்பட்டதாக தெரிவிக்கப்பட்டுள்ளது

பள்ளியின் வளாகம் காவல்துறையினரால் பாதுகாக்கப்பட்டது, மேலும் வேறு யாரும் பாதிக்கப்பட்டதில்லை.