சந்தேக நபர்களுக்கு உதவுவது தண்டனைக்குரிய குற்றம் : இலங்கை காவல்துறை பொதுமக்களுக்கு எச்சரிக்கை

பல்வேறு குற்றங்களுக்காக தேடப்படும் சந்தேக நபர்களுக்கு உதவி அல்லது தங்குமிடம் வழங்குவது தண்டனைக்குரிய குற்றமாகும் என்று இலங்கை காவல்துறை எச்சரித்துள்ளது.

துப்பாக்கிச் சூடு தொடர்பான குற்றங்கள் குறித்து பணமோசடிச் சட்டம் மற்றும் நீதிமன்றங்களால் பிறப்பிக்கப்பட்ட வாரண்டுகளின் கீழ் தற்போது விசாரணைகள் நடைபெற்று வருவதாக காவல்துறை அறிக்கை ஒன்றில் தெரிவித்துள்ளது.

தேடப்படும் சந்தேக நபர்களுக்கு மக்கள் பல்வேறு வழிகளில் அடைக்கலம் அளித்து அல்லது உதவி செய்து, அவர்கள் கைது செய்யப்படுவதைத் தடுத்தது இந்த விசாரணைகளில் கண்டறியப்பட்டுள்ளதாக காவல்துறை தெரிவித்துள்ளது.

எனவே, தேடப்படும் சந்தேக நபர்களுக்கு உதவி செய்பவர்கள் அல்லது அடைக்கலம் அளிப்பவர்கள் விசாரிக்கப்பட்டு கைது செய்யப்படுவார்கள் என்று காவல்துறை தெரிவித்துள்ளது.