சீனாவின் அரசியல் செல்வாக்கினால் பாதிப்புக்குள்ளாகும் இலங்கை!

சீனாவின் பொருளாதார மற்றும் அரசியல் செல்வாக்கினால் இலங்கையில் ஆபத்துக்கள் ஏற்படலாம் என்பதை பிரிட்டன் ஏற்றுக்கொள்கின்றது என அந்த நாட்டின் அமைச்சர் ஒருவர் தெரிவித்துள்ளார்

பிரிட்டனின் வெளியுறவு பொதுநலவாய மற்றும் அபிவிருத்தி அலுவலகத்தின் இராஜாங்க அமைச்சர் அன்ரூ மிட்செல் பொதுச்சபையில் உரையாற்றுகையில் இதனை தெரிவித்துள்ளார்.

எனது நண்பர் குறிப்பிட்ட கொவிட் பெருந்தொற்றின் தாக்கம் உக்ரைன் மீதான ரஸ்ய படையெடுப்பின் தாக்கம் ஆகிய அனைத்தும் இலங்கையின் பொருளாதாரத்திற்கு கடும் சவாலை ஏற்படுத்தியுள்ளன.

நீண்டகாலமாக நிதியை தவறான முகாமை செய்தமை உட்பட கட்டமைப்பு பலவீனங்களால் மேற்சொன்னவற்றின் தாக்கங்கள் அதிகரித்துள்ளன.

நாங்கள் இலங்கையின் கடன்மறுசீரமைப்பு நடவடிக்கைகளிற்கு தொடர்ந்தும் ஆதரவளிப்போம் இந்த பேச்சுவார்த்தைகளில் ஆக்கபூர்வமாக கலந்துகொள்ளுமாறு அனைத்து கடன்வழங்குநர்களையும் கேட்டுக்கொள்கின்றோம் எனவும் எனவும் அன்ரூமிட்ச்செல் தெரிவித்துள்ளார்.