பாகிஸ்தானில் நடைபெற்ற பெண்கள் கல்வி உச்சி மாநாட்டில் கலந்து கொள்ள தாலிபான்கள் மறுப்பு

பாகிஸ்தான் நடத்திய முஸ்லிம் பெண் கல்வி குறித்த உலகளாவிய உச்சி மாநாட்டில் கலந்து கொள்ள ஆப்கானிஸ்தானில் உள்ள தாலிபான்கள் மறுத்துள்ளனர்.

பாகிஸ்தானின் கல்வி அமைச்சர் காலித் மக்பூல் சித்திக், ஆப்கானிஸ்தானில் உள்ள தாலிபான் அரசாங்கத்திற்கு அழைப்பு அனுப்பப்பட்டதாகவும், ஆனால் யாரும் வரவில்லை என்றும் தெரிவித்துள்ளார்.

“நாங்கள் ஆப்கானிஸ்தானுக்கு அழைப்பு விடுத்திருந்தோம், ஆனால் ஆப்கானிஸ்தான் அரசாங்கத்திலிருந்து யாரும் மாநாட்டில் கலந்து கொள்ளவில்லை” என்று நாட்டின் கல்வி அமைச்சர் காலித் மக்பூல் சித்திக் குறிப்பிட்டார்.

இந்த உச்சிமாநாடு முஸ்லிம் பெரும்பான்மை நாடுகளைச் சேர்ந்த கல்வித் தலைவர்களை ஒன்றிணைத்துள்ளது, ஆனால் ஆப்கானிஸ்தானால் புறக்கணிக்கப்பட்டுள்ளது.

உச்சிமாநாட்டில் தனது தொடக்க உரையில், பாகிஸ்தான் பிரதமர் ஷெபாஸ் ஷெரீப், பெண்களுக்கு கல்வி மறுப்பது அவர்களின் குரலையும் அவர்களின் விருப்பத்தையும் மறுப்பதற்குச் சமம் என்று குறிப்பிட்டார்.