முதுகு, கை மற்றும் கால்களில் வலி இருந்தால் உடனே மருத்துவரை நாட வேண்டும் – ஆண்களுக்கு எச்சரிக்கை

புரோஸ்டேட் புற்றுநோயின் ஆரம்ப அறிகுறிகளின் உதவியுடன், அதை முதல் நிலையிலேயே குணப்படுத்த முடியும். ஆனால் கவனிக்க வேண்டிய விஷயம் என்னவென்றால், இந்த அறிகுறிகள் மிகவும் சிறியதாக இருப்பதால், அதனை பலரும் சாதாரணமாக எடுத்துக் கொள்வார்கள்.

புகைபிடிக்கும் மற்றும் மது அருந்தும் ஆண்களுக்கு ஆபத்து, 40 வயதிற்கு மேல் ஆகியிருந்து இப்படியான அறிகுறிகள் இருந்தால் ஒரு நாள் கூட இந்த அறிகுறிகளைப் புறக்கணிக்காதீர்கள், இது புரோஸ்டேட் புற்றுநோய் தீவிரப்படுத்த அதிக வாய்ப்பு இருக்கிறது.

WHO இன் கூற்றுப்படி, புரோஸ்டேட் புற்றுநோய் என்பது உலகளவில் மிகவும் பொதுவான புற்றுநோய்களில் ஒன்றாகும். அதன் எண்ணிக்கை அதிகரித்து வரும் காரணங்களால், உலகளவில் அதிகரித்து வரும் புற்றுநோய்களில் இது நான்காவது இடத்தில் உள்ளது.

மருத்துவர்களின் கூற்றுப்படி 60 வயதை எட்டிய ஆண்களுக்கு புரோஸ்டேட் புற்றுநோயின் ஆபத்து அதிகம். ஆனால் தற்போது இளைஞர்கள் கூட புரோஸ்டேட் புற்றுநோய் ஆபத்தை எதிர்கொண்டு வருகின்றனர்.

ஆண்குறி மற்றும் சிறுநீர்ப்பைக்கு இடையில் இருக்கும் ஆண் இனப்பெருக்க அமைப்பின் புரோஸ்டேட் சுரப்பியில் புரோஸ்டேட் புற்றுநோய் ஏற்படுகிறது. டாடா மெமோரியல் சென்டரின் ஆராய்ச்சி பிரிவின் தரவுகளின்படி, 2020 ஆம் ஆண்டில் உலகில் சுமார் 1.4 மில்லியன் புதிய புரோஸ்டேட் புற்றுநோய் பாதிப்புகள் பதிவாகியுள்ளன. 0.37 மில்லியன் இறப்புகள் பதிவாகியுள்ளன. இந்தியாவில், இந்த காலகட்டத்தில் 34,540 புரோஸ்டேட் புற்றுநோயால் பாதிக்கப்பட்டிருந்தனர். 16,783 பேர் இறந்திருக்கின்றனர்.

புற்றுநோய்க்கான காரணங்கள் :

இளம் வயதில் ஏற்படும் புரோஸ்டேட் புற்றுநோய் உடலில் மிக விரைவாக பரவுகிறது. அதன் நிகழ்வுக்கான முக்கிய காரணங்கள் ஆரோக்கியமற்ற வாழ்க்கை முறை, புகைபிடித்தல், குடிப்பழக்கம் மற்றும் மரபணு பிரச்சினைகள். இதைக் கருத்தில் கொண்டு, ஆண்களுக்கு 40 வயதிற்குப் பிறகு வருடத்திற்கு ஒரு முறை PSA பரிசோதனை செய்து கொள்ளுமாறு சுகாதார நிபுணர்கள் அறிவுறுத்துகின்றனர்.

புரோஸ்டேட் புற்றுநோயின் அறிகுறிகள்

முதுகு, கை மற்றும் கால்களில் வலி இருக்கும். உங்கள் முதுகு அல்லது எலும்பில் தொடர்ந்து வலி இருந்தால், அது புரோஸ்டேட் புற்றுநோயின் அறிகுறியாக இருக்கலாம். நீங்கள் 40 வயதை எட்டியிருந்தால், இந்த அறிகுறிகளின் அடிப்படையில் புரோஸ்டேட் புற்றுநோய்க்கான பரிசோதனை உங்களுக்கு பயனுள்ளதாக இருக்கும்.

திடீர் எடை இழப்பு

எந்த உடற்பயிற்சியும் இல்லாமல் திடீரென உடல் எடை குறைவது முக்கிய அறிகுறி. உடலில் வளரும் ஒரு நோயின் முக்கிய அறிகுறியாக இருக்கலாம். அது புரோஸ்டேட் புற்றுநோயாகவும் இருக்க வாய்ப்புள்ளது. இந்த புற்றுநோயால் பாதிக்கப்பட்டவர்கள் பொதுவாக பலவீனம், நரம்பு தளர்ச்சி போன்ற பிரச்சனைகளை எதிர்கொள்கின்றனர்.

முதுகுத்தண்டில் அழுத்தம்

புரோஸ்டேட்டில் புற்றுநோய் ஏற்படும் போது, எலும்புகளில் கூடுதல் அழுத்தம் உருவாகத் தொடங்குகிறது. முதுகுத்தண்டின் எலும்புகளில் இதன் அதிக விளைவு தெரியும். இதன் காரணமாக இயக்கத்தில் சிரமம் அதிகரிக்கிறது.

விறைப்பு குறைபாடு

விறைப்புத்தன்மை என்பது புரோஸ்டேட் புற்றுநோயின் எச்சரிக்கை அறிகுறியாகும். ஏனெனில் விந்து உற்பத்தியாகும் சுரப்பியில் இந்தப் புற்றுநோய் ஏற்படுகிறது. இருப்பினும், இதுவரை, புரோஸ்டேட் புற்றுநோயால் நேரடியாக பாலியல் செயலிழப்பு ஏற்படுவதாக அதிகாரப்பூர்வ அறிக்கைகள் எதுவும் இல்லை. இருப்பினும், புரோஸ்டேட் புற்றுநோயிலிருந்து வளரும் கட்டியானது கீழ் சிறுநீர் பாதையை பாதித்தால், அது பாலியல் செயல்பாட்டில் எதிர்மறையான தாக்கத்தை ஏற்படுத்தும்.

சிறுநீர் அல்லது விந்துவில் இரத்தம்

ஆண்களின் சிறுநீரில் இரத்தம் அல்லது விந்து ஆகியவை புரோஸ்டேட் புற்றுநோயின் அறிகுறியாக இருக்கலாம். ஏனெனில் புரோஸ்டேட் புற்றுநோய் கட்டி பெரிதாக வளரும்போது, ஆண் இனப்பெருக்க அமைப்பில் சிறுநீர் பாதை மற்றும் சுற்றியுள்ள மற்ற சுரப்பிகள் மீது அழுத்தம் கொடுக்கத் தொடங்குகிறது.