பஷர் அல்-அசாத்தை சந்திக்க திட்டமிடும் ரஷ்ய ஜனாதிபதி

கிளர்ச்சிக் குழுக்கள் தனது கூட்டாளியும் நீண்டகால தலைவருமான பஷர் அல்-அசாத்தை இந்த மாத தொடக்கத்தில் வெளியேற்றிய பின்னர் சிரியாவில் ரஷ்யா தோற்கடிக்கப்படவில்லை என்று ஜனாதிபதி விளாடிமிர் புடின் தெரிவித்துள்ளார்.

ரஷ்ய தலைநகருக்கு வந்த முன்னாள் சிரிய ஆட்சியாளரை தான் இதுவரை சந்திக்கவில்லை, ஆனால் “கண்டிப்பாக அவருடன் பேசுவேன்” என்றும் அவரை மாஸ்கோவில் சந்திக்க திட்டமிட்டுள்ளதாகவும் புடின் தெரிவித்துள்ளார்.

காணாமல் போன அமெரிக்க நிருபர் ஆஸ்டின் டைஸின் தலைவிதியைப் பற்றி அல்-அசாத்திடம் கேட்பதாக அவர் குறிப்பிட்டார்.

“சிரியாவில் என்ன நடக்கிறது என்பதை நீங்கள் ரஷ்யாவின் தோல்வியாக காட்ட விரும்புகிறீர்கள், அது இல்லை என்று நான் உங்களுக்கு உறுதியளிக்கிறேன். நாங்கள் எங்கள் இலக்குகளை அடைந்துவிட்டோம்.” என்று புடின் குறிப்பிட்டார்.