நெதன்யாகுவின் ஐசிசி வாரண்ட் குறித்து G7 அமைச்சர்கள் விவாதிக்க உள்ளனர் : இத்தாலி பிரதமர்

அடுத்த வாரம் இத்தாலியில் G7 அமைச்சர்கள் கூட்டம் பெஞ்சமின் நெதன்யாகு மீதான சர்வதேச குற்றவியல் நீதிமன்றத்தின் கைது வாரண்ட் பற்றி விவாதிக்கும் என்று பிரதமர் ஜியோர்ஜியா மெலோனி தெரிவித்துள்ளார்.

துருக்கி மற்றும் உரிமைக் குழுக்கள்இந்த நடவடிக்கையை வரவேற்றுள்ள நிலையில், இஸ்ரேல் பிரதமருக்கு கைது வாரண்ட் பிறப்பிப்பதற்கான ஐசிசியின் முடிவை இஸ்ரேலும் அதன் நட்பு நாடுகளும் கண்டித்தன.

“வரவிருக்கும் நாட்களில் ஐசிசியின் முடிவிற்கு வழிவகுத்த காரணங்களை நான் ஆழமாக ஆராய்வேன்” என்று மெலோனி ஒரு அறிக்கையில் தெரிவித்துள்ளார்.

திங்கள் மற்றும் செவ்வாய் கிழமைகளில் ரோம் நகருக்கு அருகிலுள்ள ஃபியூகியில் நடக்கும் ஏழு வெளியுறவு மந்திரிகள் குழு கூட்டத்தின் நிகழ்ச்சி நிரலில் இந்த பிரச்சினை வைக்கப்படும் என்று அவர் குறிப்பிட்டார்.

நெதன்யாகுவின் முன்னாள் பாதுகாப்பு அமைச்சர் மற்றும் ஹமாஸின் இராணுவத் தளபதி முகமது டெய்ஃப் ஆகியோருக்கு ஐசிசி கைது வாரண்ட்களை பிறப்பித்தது.