உடல்நலக்குறைவு காரணமாக நினைவு தின நிகழ்வுகளை தவிர்க்கும் இங்கிலாந்து ராணி கமிலா

BY KP
November 9, 2024
0 Comments
15 Views

பிரிட்டனின் ராணி கமிலா சுகையீனம் காரணமாக நினைவு தின நிகழ்வுகளில் கலந்து கொள்ள மாட்டார், ஆனால் அடுத்த வார தொடக்கத்தில் பொதுப் பணிகளுக்குத் திரும்புவார் என்று பக்கிங்ஹாம் அரண்மனை தெரிவித்துள்ளது.

சார்லஸ் மன்னரின் மனைவி கமிலா, இந்த வாரம் மார்பு நோய்த்தொற்றுக்கு ஆளானதால் திட்டமிட்ட நிகழ்ச்சிகளில் இருந்து விலகியுள்ளார்.

77 வயது ராணி, லண்டன் ராயல் ஆல்பர்ட் ஹாலில் நடைபெறும் இரு முக்கிய நினைவு விழாக்களை தவறவிடுவார்.

முதல் உலகப் போரின் முடிவைக் குறிக்கும் வகையில், செனோடாப் போர் நினைவிடத்தில் நினைவு விழா நடைபெறுகிறது, மேலும் மோதலில் உயிரிழந்தவர்களுக்கு அஞ்சலி செலுத்துகிறது.

” மார்பு நோய்த்தொற்றில் இருந்து முழுமையாக குணமடைவதை உறுதிசெய்யவும், மருத்துவர்களின் வழிகாட்டுதலைப் பின்பற்றி, இந்த வார இறுதி நினைவு நிகழ்வுகளில் ராணி கலந்து கொள்ளமாட்டார்” என்று அரண்மனை செய்தித் தொடர்பாளர் தெரிவித்தார்.

இந்த ஆண்டு புற்றுநோய்க்கான தடுப்பு சிகிச்சைக்குப் பிறகு படிப்படியாக பொது ஈடுபாட்டிற்குத் திரும்பும் 42 வயதான இளவரசி கேட், அவரது கணவர் இளவரசர் வில்லியம், சார்லஸ் மற்றும் அரச குடும்பத்தின் பிற உறுப்பினர்களுடன் நினைவு நிகழ்வுகளில் கலந்து கொள்கிறார்கள்.

(Visited 1 times, 1 visits today)