கடந்த மாதம் சரக்கு மற்றும் சேவை வரியாக $20.64 பில்லியன் வசூலித்த இந்தியா

செப்டம்பரில் இந்தியா மொத்த சரக்கு மற்றும் சேவை வரியில் (GST) 1.73 டிரில்லியன் ரூபாய் ($20.64 பில்லியன்) வசூலித்துள்ளது.

கடந்த ஆண்டு இதே காலகட்டத்தில் (செப்டம்பரில்) மொத்த வசூல் 1.62 லட்சம் கோடியாக இருந்தது.

கடந்த ஆண்டுடன் ஒப்பிடும்போது, நடப்பு ஆண்டின் செப்டம்பரில் CGST, SGST, IGSD மற்றும் செஸ் வரி ஆகிய அனைத்தும் அதிகரித்து இருக்கிறது என தகவல் தெரிவிக்கின்றது.

2024ம் ஆண்டில் ஒட்டு மொத்த GST வசூல் 9.5 சதவீதம் அதிகரித்து, 10.9 லட்சம் கோடியாக உள்ளது. இது, 2023ம் ஆண்டில் 9.9 லட்சம் கோடியாக இருந்தது.

நடப்பு ஆண்டில் ஏப்ரலில் அதிக அளவாக 2.10 லட்சம் கோடி வசூலாகி இருந்தது. இதேபோன்று, 2023-24 நிதியாண்டில் மொத்த GST வசூல் 20.18 லட்சம் கோடியாக உள்ளது. இது முந்தின ஆண்டுடன் ஒப்பிடும்போது 11.7 சதவீதம் அதிகம் ஆகும்.

நடப்பு ஆண்டு மார்ச் மாதத்துடன் முடிவடைந்த நிதியாண்டுக்கான சராசரி மாத வசூல், 1.68 லட்சம் கோடியாக உள்ளது. இது முந்தின ஆண்டில் 1.5 லட்சம் கோடியாக இருந்தது.