ஜனாதிபதி தேர்தலில் போட்டியிட நாமலுக்கு கால அவகாசம் உண்டு – மஹிந்த ராஜபக்ஷ

ஸ்ரீலங்கா சுதந்திரக் கட்சியின் உள்ளகப் பிரச்சினைகளுக்கு விரைவில் தீர்வு காணப்படும் என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.

அனுராதபுரத்தில் ஊடகவியலாளர்கள் எழுப்பிய கேள்விகளுக்கு பதிலளித்த முன்னாள் ஜனாதிபதி, ஸ்ரீலங்கா பொதுஜன பெரமுனவின் (SLPP) முன்னாள் உறுப்பினர்களுடன் இணைந்து ஐக்கிய ஜன பலவேகய (SJB) கூட்டணி அமைப்பது சவாலானது அல்ல என்றும் குறிப்பிட்டார்.

“பத்து கூட்டணிகள் அமைந்தாலும் எங்களுக்கு எந்தப் பிரச்சினையும் இல்லை. எங்கள் மக்கள் எல்லா இடங்களிலும் இருப்பது நல்லது.

ஸ்ரீலங்கா பொதுஜன பெரமுனவின் ஜனாதிபதி வேட்பாளர் குறித்தும் கருத்து தெரிவித்த ராஜபக்ச, ஜனாதிபதி தேர்தலுக்கான வேட்பாளரை கட்சி கண்டிப்பாக அறிவிக்கும் என்றும், SLPP யின் தீவிர உறுப்பினர்களுடன் கலந்துரையாடிய பின்னர் வேட்பாளர் குறித்து இறுதி முடிவு எடுக்கப்படும் என்றும் கூறினார்.

“கண்டிப்பாக, அவர்கள் ஒரு வேட்பாளரை குறிப்பிடுவார்கள். நாங்கள் இன்னும் கட்சி உறுப்பினர்களை அழைக்கவில்லை. அவர்களுடன் பேசி முடிவெடுப்போம்” என்றார்.

பாராளுமன்ற உறுப்பினர் நாமல் ராஜபக்ஷவை ஜனாதிபதி வேட்பாளராக பெயரிடுவதாக வெளியான செய்திகள் தொடர்பில் கருத்து தெரிவித்த முன்னாள் ஜனாதிபதி, ஜனாதிபதி தேர்தலில் போட்டியிடுவதற்கு தனது மகனுக்கு இன்னும் கால அவகாசம் இருப்பதாக குறிப்பிட்டார்.