உக்ரைனில் வீடொன்றில் குழந்தைகள் உட்பட 9 பேர் சுட்டுக் கொலை

ரஷ்யாவால் ஆக்கிரமிக்கப்பட்ட கிழக்கு உக்ரைன் நகரமான வோல்னோவாகாவில் உள்ள வீடொன்றில் இரண்டு குழந்தைகள் உட்பட 9 பேர் சுட்டுக் கொல்லப்பட்டுள்ளனர்.

உக்ரேனிய அதிகாரிகள் கூறுகையில், ரஷ்ய ஆக்கிரமிப்பாளர்களிடம் தங்கள் சொந்த வீட்டை ஒப்படைக்க மறுத்ததற்காக அக்டோபர் 27 அன்று கப்கனெட்ஸ் குடும்பத்தினர் அனைவரையும் கொன்றுள்ளனர் என்று தெரிவித்துள்ளனர்.

சம்பவத்தில் இரண்டு ஆண் சந்தேக நபர்கள் கைது செய்யப்பட்டுள்ளனர், அவர்கள் தூர கிழக்கை சேர்ந்த ரஷ்ய வீரர்கள் என்று தெரிவிக்கப்படுகின்றது.

இந்த தாக்குதல் குறித்து உக்ரைனும் ரஷ்யாவும் தனித்தனியாக விசாரணைகளை தொடங்கியுள்ளன.