அமெரிக்காவில் இருந்து ருவாண்டாவிற்கு நாடு கடத்தப்பட்ட 7 பேர்

அமெரிக்காவிலிருந்து நாடுகடத்தப்படுபவர்களை ஏற்றுக்கொள்வதற்கான ஒப்பந்தத்தின் ஒரு பகுதியாக ஏழு பேர் ருவாண்டாவிற்கு வந்துள்ளதாக ருவாண்டா அரசாங்கம் தெரிவித்துள்ளது.

டிரம்ப் நிர்வாகம் அதன் பரந்த நாடுகடத்தல் இயக்கத்தின் ஒரு பகுதியாக தெற்கு சூடான் மற்றும் முன்னர் சுவாசிலாந்து என அழைக்கப்பட்ட எஸ்வதினி உள்ளிட்ட மூன்றாம் நாடுகளுக்கு மக்களை அனுப்புவதற்கான ஏற்பாடுகளை பேச்சுவார்த்தை நடத்தி வருகிறது.

“பரிசோதனை செய்யப்பட்ட ஏழு புலம்பெயர்ந்தோரின் முதல் குழு ருவாண்டாவிற்கு வந்தது.மூன்று நபர்கள் தங்கள் சொந்த நாடுகளுக்குத் திரும்ப விருப்பம் தெரிவித்துள்ளனர், அதே நேரத்தில் நான்கு பேர் ருவாண்டாவில் தங்கி வாழ்க்கையை கட்டியெழுப்ப விரும்புகிறார்கள்” என்று அரசாங்க செய்தித் தொடர்பாளர் யோலண்டே மகோலோ தெரிவித்தார்.

ஏழு நாடுகடத்தப்பட்டவர்களின் தேசிய இனங்கள் குறித்து அதிகாரிகள் எந்த தகவலையும் வழங்கவில்லை.

ஆகஸ்ட் 5 ஆம் தேதி ருவாண்டா அமெரிக்காவிலிருந்து 250 பேர் வரை ஏற்றுக்கொள்வதாகவும், “மீள்குடியேற்றத்திற்காக முன்மொழியப்பட்ட ஒவ்வொரு நபரையும் அங்கீகரிக்கும் திறன் கொண்டதாக” இருப்பதாகவும் தெரிவித்திருந்தது குறிப்பிடத்தக்கது.