ஆஸ்திரேலியாவில் நவ-நாஜிகள் குழு தலைவரை நாடு கடத்துவதற்கான மனுவில் 60,000 கையெழுத்து

“March for Australia” பேரணியில் வன்முறைக்காக கைது செய்யப்பட்ட நவ-நாஜி தாமஸ் செவெல்லை நாடு கடத்தக் கோரும் மனுவில் 60,000க்கும் மேற்பட்டோர் கையெழுத்திட்டுள்ளதாக கூறப்படுகிறது.

32 வயதான தாமஸ் செவெல், நியூசிலாந்திலிருந்து சிறுவயதில் ஆஸ்திரேலியாவுக்கு வந்தார், மேலும் அவர் ஒரு ஆஸ்திரேலிய குடிமகன்.

வன்முறை நடத்தை, ஒழுங்கீனமான நடத்தை, தாக்குதல் மற்றும் பல குற்றங்களுக்காக அவர் மீது குற்றம் சாட்டப்பட்டுள்ளது.

Change.org இணையதளத்தில் தொடங்கப்பட்ட அவரை நாடு கடத்தக் கோரும் மனுவில், இரண்டு நாட்களில் 42,000க்கும் மேற்பட்டோர் கையெழுத்திட்டுள்ளதாக கூறப்படுகிறது.

இருப்பினும், ஆஸ்திரேலிய குடியுரிமை பெற்ற ஒருவரின் குடியுரிமையை ரத்து செய்வது கடினம் என்று வழக்கறிஞர்கள் சுட்டிக்காட்டுகின்றனர்.

2022 மற்றும் 2023 ஆம் ஆண்டுகளில் உயர் நீதிமன்ற தீர்ப்புகளாலும் இது உறுதிப்படுத்தப்பட்டுள்ளதாக வழக்கறிஞர்கள் தெரிவித்தனர்.