உத்தரபிரதேசத்தில் டிரக்-வேன் மோதிய விபத்தில் 3 குழந்தைகள் உட்பட 6 பேர் பலி

உத்தரபிரதேசத்தின் ஹத்ராஸ் மாவட்டத்தில் டிரக்கும் வேனும் நேருக்கு நேர் மோதிய விபத்தில் மூன்று குழந்தைகள் உட்பட குறைந்தது 6 பேர் உயிரிழந்ததாக காவல்துறை அதிகாரி ஒருவர் தெரிவித்தார்.

ஹத்ராஸ் சந்திப்பு காவல் நிலையத்திற்குட்பட்ட ஜெய்த்பூர் கிராமத்தில் இந்த விபத்து நடந்ததாக காவல்துறை தெரிவித்துள்ளது.

இந்த விபத்தில் 3 குழந்தைகள் உட்பட 6 பேர் உயிரிழந்துள்ளதாக சிக்கந்தராவ் வட்ட அதிகாரி ஷைம்வீர் சிங் செய்தி நிறுவனத்திடம் தெரிவித்தார்.

“இறந்தவர்களின் குடும்ப உறுப்பினர்கள் அவர்களின் அடையாளத்தைக் கண்டறிய அழைக்கப்பட்டுள்ளனர்,” என்று அவர் குறிப்பிட்டார்.

நிவாரணப் பணிகளை விரைந்து மேற்கொள்ளவும், காயமடைந்தவர்களை உடனடியாக மருத்துவமனைக்கு அழைத்துச் சென்று முறையான சிகிச்சை அளிக்கவும் மாவட்ட நிர்வாக அதிகாரிகளுக்கு உத்தரப் பிரதேச முதல்வர் யோகி ஆதித்யநாத் உத்தரவிட்டுள்ளார்.

இறந்த ஆன்மாக்கள் அவரது காலடியில் இடம் பெறவும், காயமடைந்தவர்கள் விரைவில் குணமடையவும் இறைவனைப் பிரார்த்திக்கிறேன் என்று யோகி ஆதித்யநாத் X இல் தெரிவித்துள்ளார்.