கர்நாடகாவில் ரேபிஸ் நோயால் உயிரிழந்த 4 வயது சிறுமி

கர்நாடகாவின் தாவங்கேரில் நான்கு மாதங்களுக்கு முன்பு தெருநாய் கடித்த நான்கு வயது சிறுமி பெங்களூருவில் உள்ள ஒரு மருத்துவமனையில் ரேபிஸ் நோயால் உயிரிழந்துள்ளார்.

கதீரா பானு என அடையாளம் காணப்பட்ட சிறுமி, பெங்களூரு ராஜீவ் காந்தி மருத்துவமனையில் சிகிச்சை பெற்று வந்த நிலையில் உயிரிழந்துள்ளார்.

ஏப்ரல் மாதம் வீட்டிற்குள் விளையாடிக் கொண்டிருந்தபோது, ஒரு தெருநாய் சிறுமியை கடித்துவிட்டது. அந்த நாய் அவரது முகம் மற்றும் பிற உடல் பாகங்களை கடித்தது, இதனால் அவர் படுகாயமடைந்தார்.

உடனடியாக அவரது குடும்பத்தினரால் உள்ளூர் மருத்துவமனைக்கு கொண்டு செல்லப்பட்டார், பின்னர் மேம்பட்ட சிகிச்சைக்காக பெங்களூருக்கு மாற்றப்பட்டார். அவரை காப்பாற்ற பல முயற்சிகள் இருந்தபோதிலும் அவர் இறந்தார்.

இந்த மாத தொடக்கத்தில், கர்நாடக லோக்ஆயுக்தா நீதிபதி பி.எஸ். பாட்டீல், நகரில் அதிகரித்து வரும் தெருநாய் தாக்குதல்களின் அச்சுறுத்தலைக் கட்டுப்படுத்தத் தவறியதற்காக ப்ருஹத் பெங்களூரு மகாநகர பாலிகே (பிபிஎம்பி) மீது கண்டனம் தெரிவித்தார்.