காசாவில் இஸ்ரேலிய தாக்குதலில் 21 பெண்கள் உட்பட 33 பாலஸ்தீனியர்கள் பலி

வடக்கு காசா பகுதியில் உள்ள ஜபாலியா முகாம் மீது இஸ்ரேலிய வான்வழித் தாக்குதலில் 21 பெண்கள் உட்பட 33 பாலஸ்தீனியர்கள் கொல்லப்பட்டதாக ஹமாஸ் நடத்தும் காசா அரசாங்க ஊடக அலுவலகம் தெரிவித்துள்ளது.

இடிபாடுகள் மற்றும் கட்டிடங்களுக்கு அடியில் பலர் சிக்கி இருப்பதாக அஞ்சப்படுவதால் மொத்த இறப்புகள் 50 ஐ எட்டக்கூடும் என்று தெரிவிக்கப்பட்டுள்ளது.

இந்த குண்டுவெடிப்பில் 85க்கும் மேற்பட்டோர் காயமடைந்தனர், அவர்களில் சிலர் பலத்த காயங்களுக்கு உள்ளாகியுள்ளனர் என்று செய்தி நிறுவனம் தெரிவித்துள்ளது.

ஜபாலியா முகாமில் உள்ள பல வீடுகளை இஸ்ரேலிய இராணுவம் குண்டுவீசித் தாக்கியது.

இந்த சம்பவம் குறித்து இஸ்ரேல் ராணுவம் இதுவரை எந்த கருத்தும் தெரிவிக்கவில்லை.

காசா பகுதியில் இஸ்ரேல் நடத்தும் தாக்குதல்களில் பலஸ்தீனர்களின் பலி எண்ணிக்கை 42,500 ஆக உயர்ந்துள்ளதாக காசாவை தளமாகக் கொண்ட சுகாதார அதிகாரிகள் வெளியிட்ட அறிக்கையில் தெரிவித்துள்ளனர்.