இலங்கையில் அரச குடியிருப்புகளை ஒப்படைக்காத 30 நாடாளுமன்ற உறுப்பினர்கள்!

ஏறக்குறைய 30 முன்னாள் நாடாளுமன்ற உறுப்பினர்கள் தங்களுடைய குடியிருப்புகளை ஒப்படைக்கவில்லை என்று தெரிவிக்கப்பட்டுள்ளது.

சில முன்னாள் எம்.பி.க்கள் வீடுகளில் இருந்து உடமைகளை அகற்றி வருவதாக நாடாளுமன்ற வட்டாரங்கள் குறிப்பிட்டுள்ளன.

புதிய எம்.பி.க்களுக்கு குடியிருப்புகள் வழங்க விரும்புவதாக தெரிவித்து முன்னாள் நாடாளுமன்ற உறுப்பினர்களை வீடுகளை காலி செய்யும்படி தெரிவிக்கப்பட்டது.

அதன்படி நேற்று (22) ஏழு எம்.பி.க்கள் தங்களுடைய குடியிருப்புகளை விட்டு வெளியேறியுள்ளனர்.

இதேவேளை, குறித்த வீடுகளை காலி செய்யாவிடின் அந்த வீடுகளுக்கான நீர் மற்றும் மின்சாரம் துண்டிக்கப்படும் என பாராளுமன்றத்தின் செயலாளர் நாயகம் திருமதி குஷானி ரோஹணதீர அண்மையில் பாராளுமன்ற உறுப்பினர்களுக்கு எழுத்து மூலம் அறிவித்திருந்தார்.

எவ்வாறாயினும், புதிய எம்.பி.க்களுக்கு உத்தியோகபூர்வ வாசஸ்தலங்களை வழங்கும் வகையில் தற்போது புனரமைப்பு பணிகள் மேற்கொள்ளப்பட்டு வருவதாக நாடாளுமன்றத்தின் பேச்சாளர் ஒருவர் தெரிவித்தார்.

மடிவெலயிலுள்ள வீட்டுத் தொகுதி புதிய பாராளுமன்ற உறுப்பினர்களுக்கு எதிர்வரும் டிசம்பர் மாதம் 3ஆம் திகதி வழங்கப்படும் எனவும் தெரிவிக்கப்பட்டுள்ளது.