மியன்மாரில் அடுத்தடுத்து உணரப்பட்ட 3 நிலநடுக்கங்கள்

மியான்மர் நாட்டில் கடந்த 24 மணிநேரத்திற்குள் அடுத்தடுத்து 3 முறை நிலநடுக்கங்கள் உணரப்பட்டு உள்ளன.

இதன்படி, இன்று காலை 5.43 மணியளவில் யாங்கன் நகரில் மித அளவிலான நிலநடுக்கம் ஏற்பட்டது. இது ரிக்டரில் 4.5 ஆக பதிவானது. இந்நிலநடுக்கம் 48 கி.மீ. ஆழத்தில் மையம் கொண்டு இருந்தது என தேசிய நிலநடுக்க அறிவியல் மையம் தெரிவித்து உள்ளது. இது கடந்த 24 மணிநேரத்திற்குள் ஏற்பட்ட 3வது நிலநடுக்கம் ஆகும்.

அதற்கு 3 மணிநேரத்திற்கு முன்னர், 2வது நிலநடுக்கம் ஏற்பட்டது. அது அதிகாலை 2.53 மணியளவில் உணரப்பட்டது. ரிக்டர் அளவுகோலில் 4.2 ஆக பதிவான அந்நிலநடுக்கம் 10 கி.மீ. ஆழத்தில் மையம் கொண்டு இருந்தது.

அதற்கு முன்பு முதல் நிலநடுக்கம் நேற்றிரவு 11.56 மணியளவில் ஏற்பட்டது. அது ரிக்டர் அளவுகோலில் 4.4 ஆக பதிவாகி இருந்தது. அந்நிலநடுக்கம் 25 கி.மீ. ஆழத்தில் மையம் கொண்டு இருந்தது. எனினும், இதனால் ஏற்பட்ட பாதிப்புகள் பற்றிய விவரங்கள் எதுவும் உடனடியாக வெளியிடப்படவில்லை.

தொடர்புடைய செய்திகள்:

பல்கலைக்கழகங்களில் யோகா பயிற்சியை அறிமுகப்படுத்தவுள்ள சவுதி அரேபியா கத்தாரின் புதிய பிரதமராக ஷேக் முகமது பின் அப்துல்ரஹ்மான் அல் தானி நியமனம் துனிசியாவின் முக்கிய எதிர்க்கட்சி தலைவருக்கு ஓராண்டு சிறைத்தண்டனை தேர்தல் கமிஷன் விசாரணையை எதிர்கொள்ளும் தாய்லாந்தின் பிரதமரின் முன்னணி வேட்பாளர்