ஈரானில் விஷ சாராயம் அருந்தியதில் 26 பேர் உயிரிழப்பு

ஈரானில் கடந்த 1979-ம் ஆண்டு நடந்த இஸ்லாமிய புரட்சி வெற்றி பெற்றதைத் தொடர்ந்து கடுமையான சட்டங்களைக் கொண்ட இஸ்லாமிய ஆட்சி அமைந்த பிறகு, மது அருந்துதல் தடை செய்யப்பட்டது.

இருப்பினும் ஈரானியர்கள் பலர் கள்ளச்சந்தைகளில் மதுபானங்களை வாங்குகின்றனர். மேலும் வீட்டிலேயே சிலர் சாராயம் தயாரித்து குடிக்கின்றனர்.

இந்த நிலையில், ஈரானின் வடக்கு மாகாணங்களில் உள்ள மசர்தரன் மற்றும் கிலன் ஆகிய பகுதிகளிலும், மேற்கு ஹமதான் மாகாணத்திலும் மெத்தனால் கலக்கப்பட்ட விஷ சாராயத்தை குடித்த 26 பேர் உயிரிழந்துள்ளதாக தகவல் வெளியாகியுள்ளது.

மேலும் விஷ சாராயம் குடித்த நூற்றுக்கும் மேற்பட்டவர்கள் மருத்துவமனைகளில் அனுமதிக்கப்பட்டு சிகிச்சை பெற்று வருவதாக அந்நாட்டு அரசு ஊடகம் செய்தி வெளியிட்டுள்ளது.

இவர்களுக்கு சாராயம் எங்கிருந்து கிடைத்தது என்பது குறித்து விசாரணை நடத்தப்பட்டு வருகிறது.

ஈரானில் இறக்குமதி செய்யப்பட்ட மற்றும் உள்நாட்டில் தயாரிக்கப்பட்ட மதுபானங்கள் அந்நாட்டின் கள்ளச்சந்தைகளில் விற்கப்படுவதாக கூறப்படுகிறது.

See also  ஈரான் பதிலடி கொடுத்தது - இஸ்ரேல் மீது ஏவுகணை தாக்குதல்

தொடர்புடைய செய்திகள்:

உலகின் முதல் நான்காம் தலைமுறை அணு உலையை தொடங்கியுள்ள சீனா வியட்நாம் முன்னாள் சுகாதார அமைச்சருக்கு 18 ஆண்டுகள் சிறைத்தண்டனை சுற்றுலாப் பயணிகளுக்காக தாய்லாந்தில் புதிய திட்டம் அறிமுகம் ஜெனின் அகதிகள் முகாமில் இஸ்ரேல் நடத்திய தாக்குதலில் 3 பாலஸ்தீனியர்கள் பலி ஒலிம்பிக் தலைவரிடம் கோரிக்கை விடுத்த பாலஸ்தீன ஒலிம்பிக் கமிட்டி காசா மருத்துவமனை வாகனத்தின் மீது இஸ்ரேல் நடத்திய தாக்குதலில் 4 பேர் பலி