மத்திய பிரதேசத்தில் DeepFake புகைப்படங்களை உருவாக்கிய 22 வயது இளைஞன் கைது

குறைந்தது பத்து பெண் சமூக ஊடக பயனர்களின் ஆபாசமான டீப்ஃபேக் புகைப்படங்களை உருவாக்கி (அவர்களில் பெரும்பாலோர் கல்லூரி மாணவர்கள்), அவற்றை பரப்புவதாக அச்சுறுத்தியதற்காக 22 வயது இளைஞன் கைது செய்யப்பட்டுள்ளார்.

குற்றம் சாட்டப்பட்ட யாஷ் பவ்சர் மத்தியப் பிரதேசத்தில் உள்ள ஷாஜாபூர் நகராட்சி கவுன்சிலில் கணினி ஆபரேட்டராக பணிபுரிந்ததாக போலீஸார் தெரிவித்தனர்.

துணை போலீஸ் கமிஷனர் (DCB) அபினய் விஸ்வகர்மா செய்தியாளர்களிடம் கூறுகையில், இன்ஸ்டாகிராம் கணக்குகளை வைத்திருக்கும் இந்த பெண்களின் டீப்ஃபேக் அல்லது மார்பிங் படங்களை AI அடிப்படையிலான செயலியைப் பயன்படுத்தி பவ்சர் உருவாக்கியதாகக் கூறப்படுகிறது.

பின்னர் அவர் இன்ஸ்டாகிராமில் போலி அடையாளத்துடன் கணக்கை உருவாக்கி, அந்த புகைப்படங்களை இந்த பெண்களுக்கு அனுப்பினார், அவர்கள் தன்னைத் தடுத்தால் அல்லது புறக்கணித்தால், அவற்றை சமூக ஊடகங்களில் பரப்புவேன் என்று அவர்களை மிரட்டியுள்ளார்.

தொடர்புடைய செய்திகள்:

டெல்லி கேபிட்டல்ஸ் அணியை வீழ்த்திய லக்னோ சூப்பர் ஜெயண்ட்ஸ் பெங்களூரு அணி படுந்தோல்வி போலி மருந்து தயாரிப்பதாக 18 மருந்து நிறுவனங்களின் உரிமைகள் ரத்து ‘கலைஞர் 100’ விழாவில் பங்கேற்ற பிரபலங்கள்