உக்ரேன் போருக்கு அஞ்சி தப்பியோடிய 20,000 பேர்

உக்ரேனில் போர் தொடங்கியதிலிருந்து போருக்கு செல்வதைத் தவிர்க்க சுமார் 20,000 பேர் அந்நாட்டிலிருந்து தப்பியுள்ளனர்.

அவர்களில் சிலர் தப்பியதாக தெரியவந்துள்ளது. தப்ப முயன்ற சுமார் 21,000 ஆடவர்கள் அதிகாரிகளிடம் பிடிபட்டதை உக்ரேன் உறுதிசெய்தது.

ரஷ்யா உக்ரேன் மீது படையெடுத்த பின்னர் 18 வயது முதல் 60 வயது வரையிலான பெரும்பாலான ஆடவர்கள் உக்ரேனிலிருந்து வெளியேறத் தடை விதிக்கப்பட்டது.

ஆனால் தினமும் பலர் நாட்டிலிருந்து வெளியேறியது விசாரணையில் தெரிய வந்துள்ளது.
அவர்கள் வெளிநாட்டில் உள்ள தங்களது குடும்பத்துடன் மீண்டும் சேர, படிக்க அல்லது வேலை செய்து பிழைப்பதற்காக அவ்வாறு செய்ததாக குறிப்பிடப்படுகின்றது.

நாட்டைவிட்டுத் தப்பிய அல்லது தப்ப முயன்ற ஆண்களால் போரில் எந்தப் பாதிப்பும் இல்லை என்று உக்ரேனிய அதிபரின் நாடாளுமன்றப் பிரதிநிதி கூறினார்.