டொமினிகன் குடியரசில் காணாமல் போன 20 வயது இந்திய வம்சாவளி மாணவி

டொமினிகன் குடியரசில் உள்ள அதிகாரிகள், தனது வகுப்பு தோழர்களுடன் விடுமுறை சுற்றுலா சென்றிருந்தபோது காணாமல் போன 20 வயது இந்திய வம்சாவளி மாணவியைத் தேடி வருகின்றனர்.

பிட்ஸ்பர்க் பல்கலைக்கழக மாணவி சுதிக்ஷா கோனங்கி, ரிசார்ட் நகரமான புன்டா கானாவில் ஒரு குழுவுடன் பயணம் செய்தபோது காணாமல் போனதாகக் கூறப்படுகிறது.

டொமினிகன் குடியரசில் உள்ள அதிகாரிகள், கோனங்கி “கடற்கரையில் நடந்து செல்லும் போது” காணாமல் போனதாகவும், அதன் பின்னர் அவரைப் பார்க்கவோ அல்லது கேட்கவோ இல்லை என்றும் தெரிவித்தனர்.

20 வயதான அந்த பெண் பிகினி அணிந்து கடற்கரையில் நடந்து சென்றபோது காணாமல் போனதாகக் கூறப்படுகிறது.

பிட்ஸ்பர்க் பல்கலைக்கழக அதிகாரிகள் ஒரு அறிக்கையில், கோனங்கியின் குடும்பத்தினருடனும் வர்ஜீனியாவில் உள்ள உள்ளூர் அதிகாரிகளுடனும் இணைந்து பணியாற்றி வருவதாகக் குறிப்பிட்டார்.

“பல்கலைக்கழக அதிகாரிகள் சுதிக்ஷா கோனங்கியின் குடும்பத்தினருடனும், வர்ஜீனியாவின் லௌடவுன் கவுண்டியில் உள்ள அதிகாரிகளுடனும் தொடர்பில் உள்ளனர், மேலும் அவரைக் கண்டுபிடித்து பாதுகாப்பாக வீட்டிற்கு கொண்டு வருவதற்கான அவர்களின் முயற்சிகளில் எங்கள் முழு ஆதரவையும் வழங்கியுள்ளோம்” என்று பல்கலைக்கழக செய்தித் தொடர்பாளர் ஜாரெட் ஸ்டோன்சிஃபர் தெரிவித்தார்.